開拓新航線 政商界齊道賀 港航十周年 引進空巴A350
2016/11/29 08:41:04 網誌分類: 生活
| 香港航空話咁快已踏入十周年啦！為咗慶祝呢個大日子，香港航空昨日舉行周年慶典酒會，好多名人到賀，其中擔任主禮嘉賓嘅運房局局長張炳良即席試坐新設計嘅空中巴士A350商務艙座椅?。 香港航空十周年慶典酒會喺環球貿易廣場嘅天際一百舉行。香港航空副主席鄧竟成話，港航將開拓更多航線，計劃明年飛往更多亞太區城市，並延伸至加拿大溫哥華等北美主要城市，首班飛往溫哥華嘅航班將於明年六月三十日啟航，維持每日一班。隨着航點國際化，港航會擴展機隊，包括訂購十五架空中巴士A350客機，並將於明年八月接收其中首架。 酒會現場佈置咗即將推出嘅A350商務艙座椅，張炳良局長獲邀試坐，見佢坐得好舒服。Kelly亦見到機管局行政總裁林天福、旅發局主席林建岳和新地執行董事郭基煇等人，郭基煇同Kelly講，佢嚟緊嘅周日會參加跑樓梯比賽，近日百忙之中也抽空練咗一次喎。 KellyChu |
 | |
| |
 | |
|
回應 (0)
我要發表