Kelly Chu
Kelly Chu
Kelly Chu

免費搭叮叮渡輪 全民Like爆!

2016/11/30 08:41:05 網誌分類: 生活
30 Nov
        電車、渡輪係行得慢啲,但一向係港島短途同往來維港嘅舒適交通工具,好多打工仔都Like。香港總商會昨天慶祝會慶,請市民免費搭全線電車及天星小輪兩條航線。Kelly去西環食午飯時,碰見總商會靚女總裁袁莎妮同主席吳天海等,人人着住便服,開心主持活動啟動儀式,氣氛好熱鬧,Kelly仲見到好多上班一族喺叮叮站排長龍𠻹!

        香港總商會昨日喺西環屈地街電車廠車站舉行「全程為您2016」活動啟動禮,總商會主席吳天海致辭話,今次為慶祝總商會一百五十五周年創會會慶,昨日全日請市民搭電車及天星小輪尖沙咀至中環及灣仔兩條航線,佢提及呢兩種交通工具同總商會同樣有過百年歷史,喺香港經歷高低起伏時期嘅中流砥柱咁話。

        Kelly昨日中午由西環搭叮叮去到中環、金鐘一帶,見到電車站人頭湧湧,相信與總商會透過多個平台宣傳今次活動有關。西環居民劉小姐及何小姐同Kelly講話,佢哋分別透過facebook及《頭條日報》得知昨日可以免費搭叮叮同坐渡海輪,特登響應吓今次開心活動咁話,而劉小姐覺得活動於平日舉行,方便到長者之餘,又便利上班一族返工。

        KellyChu

        
■香港總商會昨天慶祝會慶,請市民免費搭全線叮叮及天星小輪兩條航線。
■香港總商會昨天慶祝會慶,請市民免費搭全線叮叮及天星小輪兩條航線。
■袁莎妮搭完叮叮搭渡輪與眾同樂。
■袁莎妮搭完叮叮搭渡輪與眾同樂。
回應 (0)
我要發表
user