記得今個月投票 十大港聞選舉 你點揀﹖
2016/12/02 08:41:05 網誌分類: 生活
睇新聞能知天下事,Kelly日日睇報紙,人都醒啲,一年將盡,又係回顧新聞界努力嘅時候,由《星島日報》及英文虎報等五間傳媒舉辦嘅十大港聞選舉,喺昨日啟動禮,律政司司長袁國強畀足面出席,佢仲即場挑選自己覺得今年最勁嘅新聞,就係青年新政梁游兩位議員引起嘅宣誓風波,唔知大家又有乜選擇呢? 由《星島日報》、《英文虎報》、商業電台、有線電視及有線寬頻五間傳媒舉辦嘅年度十大港聞選舉,昨日啟動,邀請廣大市民從二十九宗本港大事上,投票選出十大新聞,Kelly知道投票分開公開組和學生組,小妹尤其鼓勵學生們參與,因為睇多啲時事,一來了解社會,唔會同社會脫節,二來掌握更多知識,喺學業上有幫助㗎。參加方法好簡單,大家可以透過郵寄、傳真、手機或互聯網投票,記得投票喺明年一月一日午夜就截止。 袁國強司長挑選咗自己嘅「心水」新聞,首選係兩名青年新政梁、游二人引起嘅宣誓風波,其次就係醫委會改革法案未獲立法會通過,司長話宣誓風波上,其實有好多嘢值得反思,好似港獨出現的背景同埋要點樣處理等,Kelly好想知道大家嘅「心水」港聞係啲咩呀! KellyChu |
| |
|
請提供活動網址