設欄杆掛愛情鎖表心意 中環15米高聖誕樹開幕喇！
2016/12/03 08:41:04 網誌分類: 生活
| 聖誕就嚟到喇，Kelly見到周圍開始有聖誕裝飾同佈置，旅發局舉辦嘅「香港繽紛冬日節」喺中環皇后像廣場設置一棵高約十五米嘅大型聖誕樹昨日開幕喇，今年會場內特別整咗一條欄杆，畀情侶將愛情鎖扣喺上面，鎖住溫馨嘅一刻，真係好浪漫呀！ 旅發局主席林建岳話，香港嘅冬日富有氣氛，唔單止有五光十色嘅燈飾，好多主要景點、大型商場同美食區等，都會趁機呈獻別具特色嘅精采活動同節目，仲話對旅客嚟講係極具吸引力，局方會把握冬日嘅重要時段繼續利用「香港繽紛冬日節」呢個平台，重點向旅客推廣本地主要嘅冬日活動同節目呀。 皇后像廣場聖誕樹係「香港繽紛冬日節」嘅焦點項目之一，廣場入面除咗有十五米高嘅大型聖誕樹外，仲有多棵較小型嘅聖誕樹，最啱同家人朋友趁佳節去影番幅靚相，仲可以喺聖誕樹旁寫低佳節祝願。旅發局仲特別安排聖誕老人喺特定日子出現，同市民和旅客合照，而小小詩歌班亦會喺本月嘅十九至二十四日，喺廣場向市民送上祝福。 KellyChu |
 | |
| |
 | |
|
回應 (0)
我要發表