趁低吸納基建澳賭股 陸叔:投資眼光 要放遠點!
2016/12/05 08:41:21 網誌分類: 生活
當環球經濟處於不明朗狀態下,投資者真的要小心謹慎,免得一個不留神招致損手滴血,那要在樓巿持續高企、歐美政局動盪下應如何部署?真要請教專家教路才可,就趁『深港通』今天通車,我特意找來多年好友、資深股評人陳永陸(陸叔)來為大家分析當前局勢,順道請教他指點一下投資策略,望讀者們能在2017年在巿場上穩操勝券,「2016年股巿平淡如水,恒指上落只係二.三千點左右,2017年當然要睇緊特朗普(DonaldTrump)點玩,大家可留意基建股、澳賭股和內銀股,不妨趁低吸納,投資亦要放長線,年收十厘應要滿足,切記別過份投機賭博,賺夠要心足,在冇壓力底下投資方為上策!」 主持:黃柏高 統籌:林永匡 協力:彭子僖 攝影:李維隆 場地:PalcoRistorante 眨眼就到聖誕,意味一年總結將至,是時候回顧下今年經濟走勢,陸叔說:「講經濟,今年好多人都搖頭,兩三隻黑天鵝亂飛,包括英國公投脫歐、狂人特朗普上場,全都直接影響今後經濟發展,黑天鵝的出現令大家唔敢投資,英國公投脫歐,令部份資金走來亞洲,導致香港樓巿上半年差下半年飆升,結果令政府出手加辣,令巿場留下陰影。」事實上,我也來反映一下娛樂業界狀況,音樂可說是去到谷底,但我深信音樂永遠存在,只要年輕人明白聽歌係要畀錢,業界仍有救。 人民幣跌幅令人憂慮 說到今年股票巿場,陸叔坦言自年初因受內地熔斷機制拖累後,港股一直平淡似水,即使『深港通』放行,對港經濟亦不會有太大衝擊,「其實『深港通』跟『滬港通』一樣,唔代表道門打開就會有人湧來做生意,人民幣過去一年確實令人憂慮,因近年內地管制加緊,不像從前經地下錢莊運錢來買樓買股票咁容易,環境不同,波動性減少,加上美國加息、特朗普上場等不明朗因素,2017年港股更難預測。」 難道真如各大行分析員所言,狂人特朗普上場,大家真係有得震冇得瞓?「好睇特朗普有甚麼新招令美國再強大,而這又會否令其他國家受拖累,比方說,如特朗普真的要把所有基建工程搬回美國本土製造,寧願成本貴也在所不計的話,中國經濟有可能受損,這樣亦會令美國本土通脹加快,聯儲局加息變成無可避免,這會令投資環境受影響,對樓巿、股票亦不利,過去幾年,我一直投資收息股,每年可收五六厘息已好開心,但若然現在息口上升,只會對公用收息股不利。」 宜趁低吸納靚股 難得找陸叔訪問,當然要為大家問問有甚麼優質股可買,陸叔說:「香港樓巿加辣,內地亦如是,如是者,內地資金會順理成章透過『滬港通』、『深港通』湧來港買股,買些非人民幣資產,加上有內地保險基金預備來港投資,這批流動資金或會令香港股巿受惠,若要買股,可留意中交建(1800.HK)、中鐵建(1186.HK)這些已跌得差不多又開始見回升的基建股。澳門股亦一樣,由高位跌咗八九成,雖已反彈一倍,但計落應該還有約20%升幅,可選如銀娛(0027.HK)、金沙(1928.HK)。最後要留意金融類股份,特別是內銀股、內險股,可選中人壽(2628.HK)、中太保(2601.HK),內銀股則可選建行(0939.HK)、工行(1398.HK)不妨趁低吸納。」 籲別過份投機賭博 跟陸叔相識多年,每次碰面總見他笑聲不絕,「做人最緊要開心,有酒飲就飲,反正日子總要過,為何不開心過日子?我跟Paco很相似,鍾意跟朋友去happy,同埋我好少睇股巿升跌,要保持平常心,別過份投機賭博,要相信兩三年才有回報的優質股,每年平均十幾%回報,即使跌咗都會升返,同埋要識滿足,眼光放遠點,如果成日諗住點賺盡的話,心理壓力會好大,還有最重要係投資唔好借錢,因你投資輸緊錢時又要還錢,會仲更加衰,如沒特別需要,唔好見平息就走去借,先使未來錢,令自己壓力增大。」 |
| |
| |
| |
| |
| |
| |
| |
| |
| |
| |
| |
| |
| |
| |
| |
| |
回應 (0)
我要發表