Kelly Chu
Kelly Chu
Kelly Chu

影靚相贏海洋公園門票

2016/12/06 08:41:07 網誌分類: 生活
06 Dec
        那些年嘅舊相片,充滿溫馨回憶,仲好有用途㗎。海洋公園為慶祝喺明年一月開園四十周年,宣佈由明日起舉辦「集體造回憶」攝影比賽,大家只將一張喺海洋公園影嘅舊相連同一張新影嘅相,快快手交去,就有機會獲得免費門票,總共四千張咁多㗎,而相片中得到網上最多投票嘅,仲可得到四張十年長嘅全年入場證。

        海洋公園昨日公佈為期一年嘅四十周年慶祝活動,由明年一月十日起揭開序幕,攝影比賽將成為頭炮活動,由明日(七日)中午十二時開始至本月二十九日期間,香港市民只須遞交於一一年或之前嘅喺海洋公園內影嘅舊相,連同喺今年又喺公園內影嘅新相,附上簡短說明,上載到「集體造回憶」攝影比賽網站(https://40a.oceanpark.com.hk),即有機會獲贈四千張免費門票,先到先得,送完即止,好玩在相中人愈多,得到免費門票愈多。

        總數送出4000張

        鬥完快,仲鬥質素,有關相片由明日至本月三十一日接受市民投票,得票最多嘅,仲可以獨得有效期長達十年嘅智紛全年入場證優越卡四張,嘩,真係以海洋公園為家都得。

        KellyChu

        
■明日起遞交兩張攝於海洋公園嘅新舊照片,即有機會獲贈免費門票!
■明日起遞交兩張攝於海洋公園嘅新舊照片,即有機會獲贈免費門票!
回應 (0)
我要發表
user