拍住冠軍師兄為港爭光 港首位女聖誕老人出戰國際賽
2016/12/07 08:41:03 網誌分類: 生活
| 聖誕節就快到，大家諗緊開派對狂歡，香港史上首位女聖誕老人潘倩雯（Kiwi）就頻頻練習，誓要喺一年一度嘅「國際聖誕老人運動會2016」為港爭光，佢同上屆冠軍嘅師兄戚曉傑（Apple）組隊出征呢個賽事，昨早出發去瑞典，Kelly為佢哋打氣。 運動會將於十二月十日喺瑞典北部小鎮耶利瓦勒（G?llivare）舉行，Kiwi及師兄Apple昨早搭飛機出發。Kiwi同小妹講，初次參賽，心情緊張，以往比賽中有「聖誕禮物層層疊」、「套索捕鹿比賽」、「聖誕老人越野賽」、「聖誕熱舞大賽」及「聖誕三項接力賽」五個項目，但比賽前幾日會公佈新增項目，年年唔同玩法，所以有啲壓力㗎。 佢話，自己做開瑜伽，身體柔軟度高，相信喺唔同項目都會有優勢咁話喎?，而香港代表喺一三同一五年奪冠，所以對比賽都好有信心。此外，佢仲靜靜雞咁話，其實今次參賽，最大原因係想去睇北極光，都啱嘅，忙裏偷閒嘛。 KellyChu |
 | |
|
回應 (0)
我要發表