號稱全港魚肉比例最高 海洋公園「食神」 改造咖喱魚蛋
2016/12/08 08:41:12 網誌分類: 生活
| 去主題公園，好玩固然重要，食嘅享受亦唔少得嘅。海洋公園主席孔令成（Leo）好着重園內提供嘅食物，身體力行試食，謀求改進，成功「改造」喺香港老大街出售嘅「咖喱魚蛋」，號稱全港魚肉比例最高，同時又爽口好食，佢話下一個「改造」目標係雞蛋仔。 昨日海洋公園請咗一批傳媒界老友食飯，Kelly掹衫尾跟住去，見到海洋公園主席孔令成，佢好着重各人對食物嘅反應，因為去主題樂園玩同食同樣都係一種體驗，缺一不可，佢自己平日自費周圍試食，並推動改進，好似「咖喱魚蛋」，要求供應商加多啲魚肉少啲粉，做到魚味豐足又口感彈牙，一啲都唔易，小妹試完之後，覺得魚蛋同咖喱汁嘅香辣好配合，真係好食。 下個目標係「雞蛋仔」 Leo透露，香港老大街內嘅燒味質素亦大大提升，嚟緊希望喺雞蛋仔「大變身」，想遊客大飽口福咁話。Leo同傳媒老友食完飯，仲即席要求大家對菜單各款食品投票，以便向大廚反映，真係好有心喎！ KellyChu |
 | |
| |
 | |
|
回應 (0)
我要發表