Kelly Chu
Kelly Chu
Kelly Chu

免費搭電車小輪人人笑 袁莎妮樂見港和諧

2016/12/09 08:41:03 網誌分類: 生活
09 Dec
        香港總商會上周二慶祝創會一百五十五周年,當天請大家免費搭電車同天星小輪,小小嘅驚喜,人人開心。總商會總裁袁莎妮(Shirley)有感而發,昨日寫咗一篇網誌,話當日見到電車同小輪上人人帶住親切嘅微笑,感到一份和諧嘅氣氛。Kelly舉腳同意,香港真係需要多啲呢類正能量嘅活動,提升社會嘅開心指數。

        Shirley喺總商會網站撰文,話上星期二舉辦「全程為您」活動,期間佢同市民、遊客交談,唔少人都話鍾意搭電車同小輪,不過兩者各有特色:坐電車可欣賞香港街景,而搭小輪就可遙望維港景致,當日氣氛熱鬧,有市民因為優惠改搭電車,車站更出現「小人龍」,特別熱鬧咁話。

        佢話,見到喺電車同小輪上,人人帶住親切嘅微笑,好多市民向佢哋道謝,令佢感受到一份和諧嘅氣氛,期望繼續傳遞「香港總商會關懷社群,建設繁榮香港與您同行」嘅精神,同市民一同建設和諧、美好嘅香港,如同今年電車嘅拼圖設計主題,象徵每個人都發揮自身角色,好似拼圖咁,構建香港成為繁華大都會呀!講得真有心,亦係Kelly嘅心聲呀,好like。

        KellyChu

        

        
■Shirley話見到電車同小輪上,人人帶住親切嘅微笑,佢好開心呀﹗
■Shirley話見到電車同小輪上,人人帶住親切嘅微笑,佢好開心呀﹗
回應 (0)
我要發表
user