藝術表演突破櫥窗框框本地時裝師革新傳統長衫

2016/12/10 08:41:04 網誌分類: 生活

10 Dec

        當中國傳統服飾遇上現代藝術，新舊交融即時產生化學作用。話說裕華國貨同本地時裝設計師郭翠華（RaneeK）合作，展出一系列以中國長衫為藍本嘅傳統服飾，仲突破櫥窗內外，舉辦「theexhibitionisonthego（展覽進行中）」藝術表演，吸引遊人目光之餘，亦帶出新舊交融氣息，推廣本地藝術文化。

        今次展出嘅長衫，乃Ranee最新創作嘅「在在」系列之一，「在在」意思即係活在當下，希望穿者感受人與衣服嘅共存關係，感受活在當下嘅分秒。Ranee告訴小妹，呢個系列糅合東方同西式元素，將傳統中國長衫化為可於日常穿着嘅服飾，亦可設計成晚裝，適合不同場合穿着，凸顯東方女性嘅典雅氣質。

        裕華國貨佐敦總店喺今個月嘅特定星期六下午仲會舉行藝術表演，邀請香港新進藝術家，喺櫥窗內外表演舞蹈，推廣本地藝術文化，大家千祈唔好錯過啦！

        KellyChu