台式鷹咀豆炆豬手
2016/12/10 11:07:52 網誌分類: 食譜
年尾流流,又要清吓個雪柜!有包急凍豬手,買左一段時間,如果係夏天,我喜歡整「醉豬手」(食譜請翻查網誌「食譜」分類),但係天時涼,諗吓諗吓,決定整呢味,簡單方便祇是花時間(我有的是吖:我係御用閒人),我屋企有齊所需材料。
之前講過,我喜歡用急凍豬手,唔喜歡新鮮豬手!一來因為新鮮豬手肉太多、二來肉販斬件時很難控制大小;豬手大小距離太大,煮的時間亦較難控制、三來我唔喜歡食豬手指!
鷹嘴豆含有豐富的營養素如皂苷、異黃酮、蛋白質、纖維質、鐵、葉酸等。
其豆類含有大量的皂苷,讓生的鷹嘴豆吃起來有苦味。鷹嘴豆及其他的豆類如黃豆和豆芽都是含有皂苷的食物。皂苷可當成抗氧化物,具有多種潛在的健康效益。鷹嘴豆也含有能降膽固醇的水溶性纖維及果寡醣。
唔用鷹咀豆,可以改用花生或紅腰豆;唔喜歡嘅,唔用都冇影響!因為豆類炆的時間與豬手相同,所以較方便。
材料:
急凍豬手粒600克
鷹咀豆半碗略洗
蔥薑
蒜三瓣略拍
八角3-4粒
白胡椒10克
雞湯500毫升
水500毫升
生抽3湯匙
老抽1湯匙
冰糖一大粒
一. 豬手解凍後用薑蔥出水20分鐘去「騷」味。冇薑蔥亦可用白醋加入水中代之。出水後用水浸涼。
二. 鑊內燒油爆薑片及蒜瓣至香,加入豬手爆炒,灒酒,加入其他材料及鷹咀豆煮滾,收慢火炆約個半至兩小時,視個人喜歡的稔度。
註:
一. 炆的途中要不時反炒,避免黏鑊,亦可能需要加水。
二. 我將胡椒粒、八角用小袋盛住嚟炆,食時便不用揀開。
三. 唔用雞湯,可改用1000毫升水。
回應 (0)
我要發表