股神。估神
由呢次跌巿黎睇, 巴老同四叔就分出高下了
一個話857$12 係合理價, 止賺離左場
一個26000叫人追街, 大跌巿失左蹤
我發覺外國投資高手既風險管理好好, 佢地真正知道何為"合理價"
係佢地投資時, 只要達到目標價就會走人
而唔會經常改變目標價
---------------------------------------------------------------------
講返個巿, 相信大家都好關注見底未, 會唔會繼續跌,
首先等我公佈下淡友指數, 今日係393.4, 即係大部分淡友都未走
而且有股民"後知後覺"地追貨, 反觀好友指數係四月依家達1101
係部署反彈, 定係四月全面反攻呢?呢層要繼續留意, 不過可以肯定
既係, 呢次股災, 係人為既....有個基金經理話, 呢次大跌, 無人比
美國d大行策略員更心中有數, 因為佢地一早就知自己公司好大鍋
所以早係業績公佈前造定淡, 業績一出, 即刻將所有壞消息, 悲觀情緒
帶俾投資者, 佢地亦知道, 美國既跌巿足以影響全世界, 引發股災!
所以呢幾日佢好似上年年中入左巿既投資者咁, 日日身家升幾十個%
rainbow 一向係保守派, 所以只叫大家唔多唔少, 但記住記住要入d沽輪
------------------------------------------------------------
依家個巿已經回復到合理水平, 之前好想入既1800 , 被投資者
非理地沽貨, 去到$16.88水平, 呢隻要好好留意, 因為中線(兩三年)
黎講, 就算經濟真係衰退, 對佢無咩大影響, 因為佢已經接左幾單
大工程, 對未來幾年既profit 帶來左支持, 加上國策既支持
如果p/e 回落到40左右就有吸引力了!
--------------------------------------------------------------
如果有研究過熊巿既朋友, 就知道熊巿第一期會急跌,
第二期係會反彈, 令大家以為只係虛驚一場, 而要決定只係反彈還是
再展升浪, 其中一個因素係"死亡交差線", 即係50天線有無跌穿250天線
仲有, 有無新既政策支持返大巿上升, 大家好好留意吧!
兩位, 短期我都唔得算入貨喎, 只打算清返d舊貨, 再係高位造淡倉
畢竟經濟衰退既問題唔可能一年半載可以解決, 而且有d國家已經步入熊巿啦
收唔收到風淡友投晒降未啊?
有無反手做好啊?
升返上24000 la, 依家好睇星期一會唔會再減息
超哥一向係高手中的高手。
只要佢一聲長實配股,股市再跌二千點都無難度。
依家個市係唔係升番了?
HAHA...佢地邊好意思仲出黎講丫, 不過我覺得李超人好犀利,
由長實未到$100就開始增持, 亦係高位減持左中遠洋,
由始至終佢都叫人"量力而為", 呢d先係高手!
四叔、新哥,呢期唔知係邊,好耐無見佢地出來講目標價了。