換新銀紙
2008/01/22 21:29:31 網誌分類: 生活點滴
今年,聽聞新鈔好少,人人都在唱新銀紙,Sorry,應該說「搶」才對。
如果......
你是某銀行的大客,晨咁早,就有職員打電話給閣下:
「乜生/乜太,你今年駛唔駛唱新銀紙呀,早D俾個 list 我哋,幫你留定。」
如果......
你是銀行員工,當然好方便;但今年阿頭可能向你說:
「今年新鈔唔多,你哋每人寫張 requisition,我會按比例分配,未必全數可以滿足各位。」
如果......
你是銀行員工的家屬或死擋,你可能會有這樣的反應:
「有冇攪錯,一場親戚(或老友),唱個區區三幾萬廿蚊紙都托手踭,仲話係親戚(係老友),識錯佢。」
如果......
你衹不過是銀行普通客戶,以下是你可能遇到的遭遇:
「乜小姐,請問有無新嘅廿蚊呀!」
「阿叔,唔好意思,要月尾新銀紙先至返,月尾啦!」
到了月尾,阿叔去唱錢:
「阿叔,唱錢要十點半至十一點,今日遲咗啦!」
翌日,阿叔準時到銀行,由龍尾排到龍頭,結果職員對他說:
「阿叔,唱哂啦,明天請早。」
再翌日,阿叔一早去到銀行,仲排第一,阿叔想唱一千弍拾,和一千拾蚊紙,結果:
「阿叔,今年新鈔唔多,每人限唱 200 廿蚊,200 拾蚊,如果想要多D,再排過啦!舊嘅啱唔啱?」
上述純粹幻想,因為今年要唱多D新野,可能係幻想。
*********
甲小朋友問乙小子:「你封利是幾多錢。」
乙小子霉氣的答道:「廿蚊乍,仲衰到係舊嘅添。」
*********
/會不會這樣呢?
新鈔票也不過是取其意頭吧了~ 現在既然出現短缺情況,那何不轉換一下思想, 何苦執著於舊有風俗,而難為了自己勞心勞力的排隊受氣?!
其實新與舊又有何相干? 最緊要利是封得開心,收的那人自然也開心。
股神的七歲大仔: 還有十幾日,希望個快快升返!大家才有運到!
由於有朋友在銀行做,換新紙幣呢樣野,唔駛我開聲,她們都會打電話問我,要幫媽媽換多少..這方面我是不需要幫媽媽排隊的。
利是一封,取其[意頭],為什麼介意利是的多小及新銀紙和舊銀紙,到最終新銀紙都變舊銀紙...
但開工利是,就當別論~
股仔:本來都諗住封廿蚊架~ 最衰股市大瀉, 荷包大縮水, 唯有封十蚊雞啦~
老闆:本來都諗住開工利是封1000蚊, 家下個市道咁, 封100蚊好啦~
打工仔:本來都諗住封500蚊利是比仔女架! 家下投資失利, 只好封50蚊比佢地啦!
老婆: 老公, 你乜都可以縮水, 但係家用少個崩都唔得呀!