一場誤會

今年庫房水浸，比原先預計盈餘，多了千億。市民希望政府「還」庫於民。

財爺支吾以對，只承諾「藏」庫於民，大家都以為這曾二牛會把錢放回百姓口袋。

一場誤會啦，「藏」即是捉迷藏，收收埋埋，要你自己去揾。咁解.......醒Ｄ！

******

一眾議員要求政府檢討法規及採取措施，確保選舉公平進行。民主黨竟對修訂投反對票。難道，民主黨不要公平嗎？

一場誤會啦，祇要你選民主黨的侯選人，佢哋一定話公平架。吹咩！

 ******

旅遊發展局的話事人臧明華，被指任職其間洗錢大花筒，貪得無厭。

一場誤會啦，旅發局之成立，目的是吸引遊客來港花錢，最好亂咁洗錢。臧女士身為旅發局的代表，示範一吓狂花、亂花、花得就花的模樣，唔得咩。

 *******

港台phone-in節目標榜自由講、中立、不分左右。

一場誤會啦，若你認同主持人的立場，你的的確確是可以自由講的。況且，中立、不分左右的是港台，不是節目主持人呀，唔恨得咁多！

 *******

陳水扁再當了民進黨主席不久，因最近一次立委選舉中慘敗，他說他因為內咎而辭職了。

一場誤會啦，阿扁厚顏無恥，點會內咎架，今次係借尿遁，一方面乘機甩難；一方面要安排自己身後事，因為三月之後，在何處渡餘生都未知，睇開Ｄ啦！

 *******

美國可能步入經濟衰退，人人都歸咎為次按問題。

一場誤會啦，美國經濟衰退，不是因為次按；而是因為有一個只懂打打殺殺的次按總統，和一個舉棋不定的次按聯儲局主席。唔好攪錯！

*******

Sorry，一場誤會。