春茗抽獎
2017/02/17 08:42:14
網誌分類:
經濟
一個星期走三場，樂此不疲，無他，春茗大吃大喝之外，更吸引之處就是有大抽獎。
九十年代，香港百業興旺，春茗獎品，真係豐富，尤其係唱片公司，飛機票連酒店三日兩夜旅遊值一萬銀的，都是普通料，十萬八萬的現金獎才是兵家必爭。
二十一世紀，數春茗的獎品豐富，要數內地民企，閒閒地，一人就一部iPad係入場安慰獎，大獎係一層樓都見過。不過，習大大上台之後，打擊貪腐，春茗大獎，一律欠奉。
出席春茗，人人有抽獎，我就無份，因為，多數做司儀。
有一次，老闆靜雞雞行過來，跟我說，一陣間抽獎，你幫我一個忙。我話︰「乜嘢事？」他說有幾個員工，已經辭了職，又來吃春茗，不想他抽到獎，萬一，抽獎的時候，你見到他個名，你幫我掉咗佢。
我係做司儀，唔係魔術師，眾目睽睽之下，點樣幫你變走乞你憎員工名片？但係，受人錢財，替人消災，我幫你度計——叫他秘書，做點手腳，放入那來賓的名片時，用膠水黐抽獎箱內蓋，任嘉賓點樣搖，都不會抽到他啦。
受人錢財，替人消災，老闆叫人做手腳，安心去抽獎。
春茗抽獎，也是執平貨的時候，事關不少人抽了獎，不想要，例如微波爐、打印機、手提電話、電視機……屋企有的，不想拿走，你低價收購，都願意即場廉讓，一家便宜兩家着。
林超榮
回應
(0)
我要發表