天降大任於斯人......
2008/01/28 04:10:41 網誌分類: 生活
飛機餐的同事,平時交往,nice,好好人,但一回到工作崗位,你會好憎佢,自私自利,一班醜陋的人.
相熟之後,工餘談笑,也承認,唔知點解?
一個飛機餐厨房,有頭等位,經濟客位,當中包括有:沙律,生菓,麵包,另外有餅房,專做國際海外綫放餐的....
又有專負責煮食物的厨房,又有將所有製成品放上托盤,比機上乘客享用的部門,又分洗盤部....等等,不在述說範圍,不詳說.
頭等位,因為近富,自覺身份特殊,也最大声,但係,有時有錢佬唔多出門,就要去其他部門幫手.
每天早上,我們要去搶,一些放一盤盤餐的餐車,用不着也要搶,因為如果人地部門搶到,冇人會可憐比你.
所以好似打仗咁,一搶到,滿心歡喜,搶唔到頭耷耷,回去報告,會話冇鬼用,試過有新人,第二日唔敢返工.
好多時,我搶唔到車,就由友好內奸,從佢地部門雪櫃,另一扇門,偷偷比你運走,此之謂走~後門.
但如果比部門亞姐發覺,追九條街,話比你部門亞姐聽,所以亞姐告誡:"
偷要偷得醒目D."
好彩,好多時d亞姐發覺,我走後門,笑笑口,隻眼開隻眼閉.
感謝主?haha
搶野!!!???