蒜茸炒塔菜

塔菜，上海人喜歡食，亦有季節性；上海菜館通常會用咸肉炒，一般家庭好少有咸肉，要買就要一大舊買，個人唔想，所以祇用蒜茸炒。

塔菜菜味濃，外形特別，一般好似食薄餅咁，將佢一開六、或開八，洗淨炒。

但我試過買嚟煮，無論大棵、小棵，炒出嚟都覺得靱！早前睇「鼎爺廚房」，鼎爺教路：塔菜靱係因為有根，祇要去左啲根炒，就唔會靱！剛好見倒有塔菜，梗係要做個實驗，睇吓真唔真？試過唔得咪以後唔買囉：對食嘅嘢，我好開放架！試過唔好食，咪以後唔食囉！

鼎爺果然靠得住！