下月麥花臣開騷 薛凱琪:睇我最真實一面!
2017/03/20 08:41:11 網誌分類: 娛樂
在我眼中,薛凱琪是個勤力又搏命的歌手,每次演出都會精心籌備,為觀眾帶來新意,相隔三年,Fiona再度踏上舞台,下月6至8日於麥花臣球場舉行三場《夢之途中音樂紀演唱會》,再次開騷,Fiona亦不負眾望,瞓身演繹這場非一般的音樂會,「我希望大家入嚟呢個演唱會唔係睇我表演,唔好當我歌手,而係唔覺意入咗我屋企個客廳,偷聽到薛凱琪自己同自己唱歌,呢個騷最大目的,係希望帶畀大家一個私人、緊密又親密嘅薛凱琪。」 攝影:袁東亮、謝民光 化妝:JessicaChan@Jessicachanmake-up 髮型:JoLam@Queen’sPrivatei 服裝:SPIRITUNUS 場地:Catalunya 開演唱也不一定要選定紅館,近年很多歌手都喜歡在麥花臣球場開騷,這能拉近觀眾距離,Fiona這次的《夢之途中》演唱會便選址麥花臣,門票反應熱烈,「我上兩次演唱會都喺紅館搞,紅館所有設備、服裝都要華麗啲,上到紅館舞台,歌手亦都要係某一種狀態先至可以主持大局。其實我好多歌來源同故事唔在於華麗,所以我一直有個心願,很想要一個場地,可以做一場靜態小小,能唱多幾首sidecut嘅演唱會,這個音樂會能跟Fans拉近距離,係我送畀Hardcore粉絲嘅一個驚喜!」 任性心血作 所謂驚喜,就是說一定不會是慣常大家在舞台、電影大銀幕上見到薛凱琪。而為了呈現這一份驚喜,一向勤力瞓身的Fiona背後更下了不少工夫和心血,「當個場地細咗,就可以容許我去玩好多嘢,好老土都要講,呢啲咁小型嘅演唱會有公司支持好唔容易,所以要多謝公司畀我做一啲咁任性、咁型格嘅嘢,各位粉絲可以得到呢次嘅驚喜,真係要多謝我公司夠膽畀我做。其實揀歌、練歌、學現代舞、諗rundown都令我好頭痛,比平時做騷再多咗好多工夫同心血,淨係諗rundown,我哋都不知開咗幾多晚通宵會。唔知你有冇留意,好多時我plug完首歌,都冇乜點唱過live就去咗拍戲,好似Paco幫我揀嘅《點水蜻蜓》,Paco未聽過我唱,老實講連我自己都未聽過自己唱Live。今次就係一個好好嘅機會,尤其係揀啲sidecut歌,所以我話呢個騷真係送畀跟咗我好多年嘅hardcorefans。」 苦練現代舞 全新場地以外,《夢之途中》最新穎的手法是以舞台劇形式向大家呈現另一面的薛凱琪,所以不論音樂班底、舞台設計和服裝都和以往的音樂會不一樣,「今次服裝搵咗一個國外知名品牌度身訂造,舞蹈要排練從來都冇學過嘅現代舞,舞台係請舞台劇界精英製作,音樂總監就係樂隊觸執毛嘅BandLeaderMikeOrange,佢好有心機幫我每首歌都重新編曲。搵一個人人都估唔到嘅人合作真係好得意,佢係Dancer出身、又幫好多香港芭蕾舞團隊做音樂,好想知道觸執毛眼中嘅薛凱琪係點?我哋原意正係想搵一個完全唔熟我嘅人,唔需要遷就我去做,那就能睇到我有任何可能性!」 演繹全新國語作品 連續幾晚開通宵會傾rundown、為新歌苦練現代舞、又因為一部份歌曲都係sidecut要從頭背記歌詞,Fiona話前所未有咁辛苦,「真係未試過咁短時間排咁多嘢,個rundown一路改一路加,大家都有好多ideas,每次開會MikeOrange就揸住結他同我一路彈一路唱;好多歌排咗新舞,sidecut歌啲歌詞亦背到我想死,仲有希望用舞台劇講故事嘅方式呈現出嚟,所以要背台詞,但我都係好興奮期待,因為嘔心瀝血錄咗三年嘅國語專輯終於錄完,到時會現場演繹方大同寫的快歌《520》,希望大家會鍾意!」 |
| |
| |
| |
| |
| |
|
回應 (0)
我要發表