邱禮濤十年巨著夠震撼 吳卓羲:多謝華哥任我發揮！
2017/03/27 08:41:10 網誌分類: 娛樂
| 由劉德華監製及主演的警匪動作片《拆彈專家》將於4月上映，導演邱禮濤為拍出炸彈恐襲的真實感，花近十年時間研究各類爆炸品的威力和特色，甚至帶隊直闖香港EODB（爆炸品處理課）總部學習拆彈技巧，難怪戲中的恐襲場面如此震撼有力；被劉德華欽點埋位當副手的吳卓羲坦言這次拍攝獲益良多，他說：「跟華哥拍戲真係學到好多，勤力又認真，每個表情動作都會執得好仔細，講真，壓力一定有，但華哥又會好主動跟我們這班後輩閒聊緩和氣氛，好肯教亦畀好大自由度我去發揮！」 主持：黃柏高 統籌：林永匡 協力：彭燕燕 攝影：袁東亮、謝民光 髮型：Ianwong@iisalon 場地：Bricklane 這部耗資超過1.8億港元製作的《拆彈專家》確實不容錯過，單看電影製作特輯已感受戲中連場警匪激戰的震撼，選定炸彈恐襲為題，導演邱禮濤堅持大部份實景拍攝，務求拍出爆炸場面的真實感，「這故事跟一般警匪片不同，我們集中講爆炸品處理課，香港的EODB只得十多名隊員，主要做跟爆炸品有關的案件，如近期香港大學發現的戰時炸彈都是由他們處理，我對這團隊好有興趣，十多年前適逢其會認識了香港首位華人拆彈專家袁sir，對EODB的運作亦加深了解，從而拍了這部非常火爆的警匪片。」邱禮濤坦言花近十年時間研究炸彈類別，「決定開拍這戲便更密集式學習爆炸品的類別，如甚麼是TNT、塑膠炸彈，它們點做成？威力如何？秒速達多少？甚至走入EODB總部看他們的拆彈工具、炸彈dummy或已沒爆炸威力的真炸彈。」能為一部電影投放如此長時間作研究，實在不簡單。 拆彈前做足功課 從電視跳進大銀幕，吳卓羲的演技愈見進步，難怪連劉德華都欽點他埋位當副手，「戲中我主要跟華哥工作，拆彈組出勤主要兩個人，華哥係No.1、我係No.2，佢職責係要行埋去個炸彈度作出判斷，究竟係要即時搵機械車引爆還是可動手去拆彈，要計算炸彈的爆炸威力和範圍，而我主要係華哥助手，大家要好有默契，要訓練到一個眼神就知佢需要甚麼工具，同時大家都要好信任對方，因引爆器在我手，一按即爆，行動時，No.1條命就交在我手。」為演活角色，吳卓羲埋位前要先上有關炸藥的理論課，又跟劉德華及導演等人走入EODB總部學拆彈知識，做足功課才埋位，難怪導演亦大讚吳卓羲說：「阿羲之前做好多電視，但電影唔多，加上今次角色不是能經常遇到，觀眾會有新鮮感。」 導演讚劉華夠專業 導演同時亦開口大讚劉德華，回想三年前首度埋牙傾合作，對方竟能即晚整個劇本讀完並安排檔期演出，可見他的態度極其專業，加上兼任監製一職的他能事事跟足，令整個團隊拍得順暢，他說：「華仔這次真係拍得辛苦，每次拆彈都要穿上那套防爆衣，雖然拍戲件衫係仿製品，但像真度極高，比起真那件輕好少，我們在灣仔拍攝炸彈發現案時，一日好慘落大雨，一日就曬到七彩，着住件衫一陣都成身濕晒，換轉其他人可能會好?，但華仔唔會，脾氣幾好，拍動作場口又會好投入，每個畫面、鏡頭以至部戲出來都會好緊張，佢係好勤力、好專業、好愛電影的一個演員，能跟這種演員合作係好開心。」 埋位有壓力 要跟出名要求嚴謹的劉德華合作，吳卓羲坦言好有壓力，「一開始知要跟華哥拍戲已好大壓力，幸好華哥會主動跟我們這班後輩演員閒聊說笑，緩和氣氛，在現場見到華哥真係好忙，每個鏡頭擺位都會跟足，又會好仔細睇每個演員的表情動作，唔係話要指定我們跟足他的方法去演，而係好放心讓我們自由發揮。」說到最難忘回憶，吳卓羲即說：「記得第一場戲的對白就係要講解爆炸品的結構資料，由炸彈的製造年份、威力、秒速等都要一口氣讀出，對白好長背得好辛苦，但重點係華哥就坐頭排睇住我，所以都NG幾次先收貨。」 |
 | |
| |
 | |
| |
 | |
| |
 | |
 | |
 | |
| |
 | |
| |
| |
 | |
| |
 | |
回應 (0)
我要發表
