扮工室整蠱實錄 豉油當可樂夠醒神

四月一日，如常沉悶的扮工室…… 既然難得愚人節，可以奉旨整蠱人，why not try?

實試個案一：你今日驗咗眼未？
用保鮮紙封住門口，再打畀同事叫佢趕出嚟開會，跑緊期間佢會唔會望到有伏？我哋試過，真係試過，有人望到，有人望唔到，眼力大考驗。

實試個案二：: 請同事飲嘢醒醒神

扮工幾個鐘，當然要飲杯嘢鬆一鬆。可樂溝豉油、醋、辣椒都係唔錯選擇，一飲即醒。

實試個案三：用愛包圍同事

影印千千萬萬張相，貼晒喺同事枱面，等佢一返嚟就感受到被愛包圍的感覺，成本低但效果唔錯。

講到尾，愚人節都係畀藉口大家難得小學雞一下。玩吓簡單嘢好喇，玩得過火要還㗎！

攝影：周旭文
記者：李珮禎