PACO名人會
PACO名人會
PACO名人會

為ViuTV主持音樂節目 林雪:抱住勇敢心態去做!

2017/04/03 08:41:15 網誌分類: 娛樂
03 Apr
        恭喜林雪在《第11屆亞洲電影大獎》中,憑《樹大招風》贏得「最佳男配角」獎,實在替他高興,要知道,他是我非常欣賞的演員;最近得知雪爺為ViuTV主持新音樂節目《林說金曲》,親自落區向巿民推介他的精選金曲,聽落就知有趣,「講起都有些面紅,但我抱住勇敢心態去面對呢個工作,音樂上好多嘢都一知半解,今次邊做邊學,主要想透過這機會跟大家分享聽音樂的樂趣,比如去按摩、洗頭應揀咩歌聽最啱,順道推介一些本土新音樂。」林雪笑言愛聽歌神張學友的金曲,拿起酒杯啜啖威士忌便隨意哼出幾句《偷閒加油站》的歌詞,自得其樂。

        主持:黃柏高
        統籌:林永匡
        協力:彭保迦
        攝影:李維隆、謝民光

        林雪講音樂,ideas確實新穎,聽到亦令我有點汗顏,作為一個音樂推動者,我亦未有如他這般如此為樂壇賣力,雪爺笑嘻嘻地說:「講起都有些面紅,其實音樂上好多嘢都係一知半解,唔好話入門,門口都未到,但通過這次我可以學到好多。」

        接地氣推介音樂

        這個真人騷的節目由今晚開始啟播,觀眾記得較啱時間,晚上11點55分扭去ViuTV睇下,由林雪落區向巿民推介音樂,gimmick十足,林雪坦言埋位前要惡補對歌曲的認識,「主要推介本土音樂,如一些新組合或歌手新曲,其實好多我都唔認識,有時公司畀我介紹,我都會問咩嚟㗎?但我可借這機會學習。」雪爺推介音樂的同時,興起也會唱兩嘴,親自帶隊穿梭每個角落,推介對象可能是的士司機、報販,甚至是小學生,是最接地氣的玩法,「接地氣就最啱搵我做,因我都係那類人,會去茶餐廳、按摩地方、洗頭髮廊聽下播咩歌,會問佢哋點解要聽呢隻歌,節目口號係『林雪教你喺咩環境下應該聽咩歌!』,深奧到我都唔知點樣,但去按摩中心梗係聽慢歌啦,等客人早啲瞓着唔使按嘛,嘻嘻,呢啲好有道理,節目亦會推介有咩快歌慢歌啱咩場合播,唔同人可聽唔同類型歌。」聽到雪爺用心推介音樂,我要代表樂壇感激他。

        籌劃當導演

        說到十九歲加入電影行業,從場務做到今日再憑《樹大招風》勇奪最佳男配角,林雪坦言真的很喜歡演戲,「有時覺得這圈子好過癮,叫得圈子的地方即係有範圍,想喺呢個圈子生存的話,一定要知呢個圈子有幾大,再白點,就係要知自己能力可做到乜,好開心,自己可以生存在這圈子又可以有獎項,已經係bonus。」林雪近年密集式返內地拍戲,說要搵錢養家,但一遇啱劇本就飛撲回港開工,哪怕要他舟車勞頓坐廿多小時火車轉機轉船都會回來支持港產片,去年我公司出品的《老笠》便是其一,「我真係好鍾意電影,亦寫咗個劇本,暫名《歧途》,講一個人誤入歧途的故事,這想法已有五、六年,打算不自量地嘗試做導演,所有畫面已在腦海中,因無嘢係可咁認證在自己身上,之前發生好多事,我相信每個人都有錯嘅時候,但只要你畀機會改過,那個人一定可以改過,都係想發放正能量,現在社會怒氣衝天,我們千祈唔好雪上加霜。」說得沒錯,雪爺的故事能勉勵人心,我一定會全力支持他開拓事業新一頁。

      

        
 
■林雪教你聽歌,聽到已覺有趣,大家真係要支持!
■林雪教你聽歌,聽到已覺有趣,大家真係要支持!
■節目中,林雪走去洗頭都有特選音樂。
■節目中,林雪走去洗頭都有特選音樂。
 
 
■林雪主持新節目,走上街跟途人細說音樂。
■林雪主持新節目,走上街跟途人細說音樂。
■林雪坦言最愛聽張學友金曲,而這次擔任主持,是邊學邊做。
■林雪坦言最愛聽張學友金曲,而這次擔任主持,是邊學邊做。
■林雪憑《樹大招風》奪電影大獎最佳男配角獎。
■林雪憑《樹大招風》奪電影大獎最佳男配角獎。
 
 
■林雪在杜琪峯的《三人行》中飾演老雜差。
■林雪在杜琪峯的《三人行》中飾演老雜差。
■林雪去年憑《老笠》中的涼薄便利店老闆一角角逐金馬男配角。
■林雪去年憑《老笠》中的涼薄便利店老闆一角角逐金馬男配角。
 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.