彭浩翔笑談「犀利」牀戰 楊千女華:余文樂硬晒軚!
2017/04/10 08:41:12 網誌分類: 娛樂
由彭浩翔執導,楊千嬅、余文樂主演的志明春嬌系列電影橫跨七年,一直陪着觀眾成長,來到第三集《春嬌救志明》,導演決定探討一下兩性關係的危機,並為余春嬌的愛情劃上完美句號;千嬅坦言「鐵三角」再度合體默契十足,說到導演口中「最犀利」的重頭牀戲,千嬅笑言似拍動作片般辛苦,她說:「好似拍《殺破狼》咁,翻滾次數唔會少過張晉,純肢體格鬥,導演仲要迫我着護士服,以前我一定唔會着,但今次都屈服,因我係『專業』嘅,而呢兩個字亦令我人生改變咗。」千嬅跟導演笑着鬧着分享當日拍攝趣事,想知這場格鬥戲有幾精采?觀眾真係要買飛入場了解。 觀眾苦等五年,志明春嬌系列電影第三集《春嬌救志明》終於有得睇,彭浩翔坦言花了數年時間構思故事,全因他今次想探討兩性關係的危機,他說:「有次諗起311大地震,我身處東京的經歷,覺得一個人的性格平時相處係睇唔到,係要喺危難時嗰幾秒鐘先見到真性情,所以我覺得呢個係情侶好重要嘅關口,於是就決定由呢度出發寫個故事。」 春嬌埋位有壓力 跟余春嬌同步成長的楊千嬅坦言這次埋位有壓力,她說:「大家喺現場會排好多次先埋位拍,對白要講到好精準,導演搵Paul哥秦沛做我爸爸,藉着父母的感情引申到伴侶間的利害衝突,這會影響我對家庭的價值觀,呢度開始有少少drama,對我嚟講係有難度,唔係話之前那些好容易拍,而係今次層次唔同咗,同樣地見證到導演喺性格上比以前成熟咗。」事實上,導演早已劇透今集春嬌與志明將要面臨「七年之癢」的分手危機,余春嬌對生活的疑惑、忐忑,最終成為分手導火線。 千嬅屈服扮俏護士 老拍檔再度歸位,導演以紅酒來比喻余文樂,他說:「阿樂這幾年嘅演出愈來愈見成熟,就好似紅酒咁,啱啱到咗一個位,我覺得係好嘅,你睇返第一集的片段會發覺佢由男仔慢慢變成男人,而千嬅就由少女變成魅力所在。」千嬅聞言即笑鬧導演說:「知你想講乜,頭先你話見證我進入更年期嘛,哼!其實導演和阿樂係黐埋一齊嘅,鏡頭後就校園欺凌我、騷擾女演員,鏡頭前就充滿愛,可能因為大家都好熟又信任,所以可瞓身去演,不用太多猜度,我只需直接配合,包括被迫着護士衫,我係前護士,以前我一定唔會着,但今次都屈服,因我係『專業』嘅,而呢兩個字亦令我人生改變咗!」彭浩翔笑笑口在旁安撫說:「你平時係護士,但我哋要你着嗰件衫係『護士仔』嘛,有少少唔同嘅,不過唔知點解拍完牀戲,件情趣內衣唔見咗,我覺得OK嘅,如果演員自己鍾意係可以攞返去!」 余文樂死結保身 此話一出,千嬅即大聲慘叫說:「真係慘,起初以為係咩可歌可泣好鏡頭,點知好似拍《殺破狼》咁,純肢體格鬥,翻滾次數唔會少過張晉;我淨係着嗰件衫出嚟,佢哋喺現場嘅興奮程度已不得了,完全拍唔到,講唔到對白,余文樂又好尷尬,成個人硬晒軚,件晨褸仲要綁死結喎。」導演笑着補充:「拍那場親熱戲,我叫千嬅過去硬剝阿樂件浴袍,剝唔到我唔cut機,叫千嬅準備呢個報仇機會,但我懷疑俾阿樂聽到,所以佢喺件浴袍上打死結,千嬅撲埋去搞好耐都解唔到條帶。」兩人你一言我一語笑着回憶當日情景,笑聲不絕。 主持:黃柏高 統籌:林永匡 協力:彭保迦 攝影:袁東亮、謝民光 Hair:VicKwan@wecut.asia(楊千嬅) Makeup:LingChan@ZINGthemakeupschool(楊千嬅) |
| |
| |
| |
| |
| |
| |
| |
| |
| |
回應 (0)
我要發表