大力河
大力河
大力河

盯盤日誌 2017.4.12

2017/04/12 16:11:59 網誌分類: 股市
12 Apr

下午两點半前恆指仍是牛皮跌幾十點, 持有之3支股票豐德麗(571) 、蘇創(1430) 華顯(334) 走勢及盤面訊息仍佳,但仍决定沽貨過完復活節假再算。習總一到美國與顛特開會, 即開火射巴沙爾,會後只講100天的action plan 縮減兩國貿易不平衡;對於北韓問題不置可否, 不像以往般講一輪廢話話要維持朝鮮半島和平,[六方會談] 已成明日黃花, 無稽之談了,好耐無提啦。兩巨頭開完會,美國佬即派航空母艦到朝鮮半島,若非得習總點頭可郁手教訓北韓嗰死肥仔,難道顛特派支艦隊去遊船河咩?早一、兩年前死肥仔同父異母大佬係澳門輸大錢, 北京搵人去救。但最近死肥仔派特工去馬來西亞做瓜個大佬,明剃中南海眼眉!大陸也知已㩒唔住嗰死肥仔,畀點Colour佢睇也合邏輯。問題係真的本週末郁手, 死肥仔可能搞埋㗎仔! 不知震盪有多大?

作為港股散戶, 股勢好也該避風頭!炸伊拉克;射敘利亞後市場稍跌即回復平靜, 但今趟唔搏囉!驚青又好,窺避風險又好, 收回注碼謀定而後動。沽哂三支股票, 兩勝一負, 小勝九千元。恒指收市升二百多點!