樓市大時代,嘉湖$1萬呎
今日中原指數152.77,又創新高, 連升9星期。
富榮未補10000呎, 補左15000呎,嘉湖同樣10000呎, 全港樓價差不多一體化,好快屯門二手樓好多樓現價都會去到9000-10000,400萬內都樓都就來冇曬~如果自住的真係有買趁手。雖然我都覺得今年底或明年頭有機會見頂,但冇樓的風險仲大,博唔過,供樓當交租吧,經濟基礎始終唔差。
係呢個大時代,供不應求的情況下,我發現左幾點:
1. 全港樓價一體化。以前會覺得天水圍元朗一定會平D,但經過咁多年的發展,交通改善,分支家庭的需求加大,區內自住的需求都好大,都會想住近家人,所以新界西低水現在跑羸大市。只要係MTR附近又低水就買得過。(如兆康苑)
2. 升市買藍籌屋苑。以前會說升市買平屋,其實升市應該買大型屋苑,好似第一城,嘉湖咁,升市一定係成交量高,因為銀行易估價,又容易估得高,所以一盤係升市火車頭。
3. 跌市會由新界西先開始,之後到市區。當然藍籌屋苑跌市都會快D。好似2016年中的跌市就係由新界開始,市區供應少相對價硬。
4. 買銀碼細。呢個比較多人知~因為無論自住和投資者都係睇緊呢D上車盤,容易買,成本少,稅都少D。
5. 租出舊樓,自住新樓。呢個係由於而家換樓成本大左,又唔可能一人持人2個單位(收15%TAX),咁如果唔想賣樓,或者又怕供唔大單位,又或者怕高位買入,出租現有2房單位,如出租12000,一般2房的需求都比較大,3房可能都係多3000左右,即15000可租。此時,租剛入伙的新樓,受制於新收樓過百伙同時放盤,可能低市價1成,即3房可能都係15000-16000。此時補少少錢就可以住新樓,又可享用他人會所,何樂而不為。
現時市況,街市丫嬸都知要買樓,的確係貴,我本人都會覺得加息跌市係遲早的事,投資入市風險不少,當然收租還可,但加按套現等跌市,我覺得係好時候,到時真係有平貨都有錢買,CASH IS KING。