PACO名人會
PACO名人會
PACO名人會

保良局喜事重重 陳細潔帶年輕人放眼世界

2017/05/08 10:11:13 網誌分類: 娛樂
08 May

        「鯊魚女」陳細潔(Abbie)因胞姊劉陳小寶(Angel)於07年加任保良局主席獲邀當總理,十年後的今日,Abbie也當上主席。由於今年是保良局成立139周年,亦是該局教育服務成立70周年和安老服務成立30周年,加上香港回歸20周年,所以除了繼續提供社會福利、教育、醫療、康樂及文化等服務,Abbie希望將焦點放在年輕人身上,她笑言:「香港怨氣多,我哋想帶年輕一代走出去,放眼看世界,掌握唔同嘅機遇。」

        主持:黃柏高
        統籌:林永匡
        協力:李佩儀
        攝影:李維隆、謝民光
        場地:V54

        今年保良局的口號為「放膽鋪路,細心同步」,當中「細心」的「細」字正是取自陳細潔的名字,她希望能「細心」了解大眾所需,從而提供更貼心的服務。談到今年大計,Abbie表示:「今年集中喺年輕人身上,我想帶佢哋離開香港去唔同地方睇多啲嘢、有多啲體驗。首先會去我哋嘅國家如北京、杭州同華東等地,接觸當地大學舉行交流考察團,亦會推進與印尼、馬來西亞、泰國同日本嘅學校,有更多緊密嘅交流;我哋仲會搞『一帶一路教育專業發展交流團』,擴闊師生視野。」

        促進藝術交流

        訪問當日,我們身處跑馬地的V54,它是近百年的法式大宅,已列入三級歷史建築物。大宅由前主席梁安琪免費借出,主要供各方年輕的藝術家租住,目的是希望聯繫他們作交流及回饋社區。Abbie續稱:「我哋有11間房出租,面積由60至190方呎,租金約2千至6千多港元不等,18至45歲嘅藝術家都可以申請入住,之前已有本地同唔同國家、唔同範疇嘅藝術家租住過,亦已舉行過一啲交流活動,包括:旗袍介紹、音樂分享同攝影展等。」

        推動STEAM教學

        保良局今年亦會推動STEAM教學,鼓勵學生從小開始,將科研融入生活,Abbie補充說:「細路仔一定要由細開始畀佢知道咩係創作,培養佢哋嘅興趣。」所以先會在25間幼稚園暨幼兒園推行幼兒版STEAM活動,亦會成立中學聯校STEAM專業學習社群,除了着重Science、Technology、Engineering和Mathematics,亦注重Art的培養,將會舉行一些聯校創科活動或比賽,還會讓教師參加STEAM考察團。

        好好分配時間

        為保良局實行咁多大計,今年一定好忙,但Abbie興趣多多,除了鍾意飲紅酒,又愛旅行滑雪,她還要打理「雪肌蘭」健康食品的生意。她笑言公司暫交由胞姊Angel打理,「其實佢舊年已經開始投訴我,話我成日唔返去開會,記得當年佢做主席都係咁忙。」為了應付一連串的服務工作,她今年1月和3月已去過滑雪,亦出席了多個酒宴,她續說:「其實飲酒應該仲有時間,但去旅行真係有難度,如果係保良局嘅Trip我一定去,但自己去玩可能要等出年喇。」飲紅酒已有多年心得的她,提到怎樣挑選心愛的紅酒,她謙虛表示:「飲酒好個人口味,有人鍾意Fruity,有人鍾意好Dry,亦有人鍾意Soft易入口,一般女性鍾意果味重啲,男士就鍾意硬朗啲嘅酒,而我最鍾意法國酒,因為崇尚天然夠傳統。」
        
 
■Paco稱讚陳細潔有魄力,為年輕一代做了很多準備工夫。
■Paco稱讚陳細潔有魄力,為年輕一代做了很多準備工夫。
■陳細潔上任後,有時回保良局開會,愛跟住在總局的小朋友聊天。
■陳細潔上任後,有時回保良局開會,愛跟住在總局的小朋友聊天。
■陳細潔未上任主席前,已不時到屬下護老院探訪長者,十分有善心。
■陳細潔未上任主席前,已不時到屬下護老院探訪長者,十分有善心。
 
■陳細潔於保良局就職典禮當日,胞姊劉陳小寶也有現身支持。
■陳細潔於保良局就職典禮當日,胞姊劉陳小寶也有現身支持。
■去年V54開幕時,陳細潔(右二)、郭羅桂珍(左一)、梁安琪(左二)和民政事務局副局長許曉暉均有出席。
■去年V54開幕時,陳細潔(右二)、郭羅桂珍(左一)、梁安琪(左二)和民政事務局副局長許曉暉均有出席。
■位於跑馬地的V54,是全港首個供年輕藝術家租住的歷史建築物。
■位於跑馬地的V54,是全港首個供年輕藝術家租住的歷史建築物。
 
■陳細潔表示V54有效推動不同的藝術交流活動,十分有意義。
■陳細潔表示V54有效推動不同的藝術交流活動,十分有意義。
回應 (0)
我要發表
user