柬埔寨探訪體驗人生 楊柳青：快樂其實好簡單！
2017/05/29 10:41:27 網誌分類: 生活
| 每當聽到年輕人在抱怨，我總覺得他們「身在福中不知福」，有時間請出外走走，看看這世界，不是人人生下來都能享安穩生活，他們不能確定每天三餐溫飽，甚至連能遮風擋雨的住所也不一定能擁有，說的是住在柬埔寨山區的小孩，前晚從柬埔寨回港的楊柳青Wiyona和灰熊（蘇偉泉）坦言這次探訪感受良多，隨團往當地做義工，幫當地居民重建家園，探訪山區孤兒院，一幕幕悲涼的生活場景呈現眼前，連灰熊也不禁流下男兒淚，灰熊與楊柳青不約而同感慨地說：「我哋去當地係想提供幫助，但估唔到係佢哋幫咗我哋，讓我哋意識到原來快樂可以好簡單！」 主持：黃柏高 統籌：林永匡 協力：彭保迦 攝影：張詠森、謝民光 服裝提供：adidas, The North Face(灰熊) 場地：Palco Ristorante 好有性格的灰熊和動作演員楊柳青（小青），最近到柬埔寨參與義工探訪活動，前晚才回港。首先要請小青為我們介紹一下五天的行程，她說：「第一日落機首站便到孤兒院探訪，我去廚房幫手煮飯，灰熊就跟班小朋友玩。第二、三日去到山區幫村民拆屋、起屋，第四日我哋就帶班孤兒院小孩參觀歷史古跡吳哥窟。」 簡陋食宿體驗生活 很多香港人提起柬埔寨可能只知道名勝古跡吳哥窟，其實市中心同名勝以外，很多窮鄉僻壤的村民，因文化水平低，生活變得很困苦，這五天四夜，灰熊和小青就最有體會。 小青：「其實我們每日伙食都幾好，有白飯、有肉乾般的豬扒、一個滷水蛋和幾條青菜，相信已經比當地人食得好。第一日去到孤兒院幫手煮飯，食物只得蛋、紅蘿蔔、菜甫，主要係素。廚房生火燒柴閒閒地要用兩三個鐘去煮餐飯，最好笑就係我哋慣用煤氣爐，大火細火一較就得，而佢哋以柴火煮食，猛火起來會燒焦食物，要以柴火來控制火喉！」 灰熊：「我哋去的地方都唔係遊客會到的，路崎嶇不平好似坐過山車一樣，那些小屋全是村民自己搭建，所謂牆其實就係乾草鋪搭出嚟，唔好話打風落雨，根本大風小小已經頂唔住。去到一間屋見到有盞燈，我問翻譯先至知，原來當地根本就冇電，盞燈只不過係裝飾！」 眾志成城極速起屋 一般村民的茅屋簡陋又唔安全，所以「以立國際服務會」便發起這個有意義舉動去幫他們起屋。不說不知道，原來兩千蚊港紙成本、一班義工夾手夾腳，48小時便可清拆舊居和重建新屋。 小青說：「拆屋真係印象好深刻，每拆一層，都會出現白蟻、四腳蛇、青蛙、老鼠，覺得好心噏，點解咁都住得到。那些屋好脆弱，一打風落雨就會冧，曾經有個三歲小朋友就係咁俾屋壓死，所以大家都好有鬥志，要起間更加穩固更加靚的新屋畀佢哋。」 灰熊坦言起屋那兩天正是柬埔寨近年最高溫的日子，氣溫高達四十幾度，不過眾志成城下，大家鬥志戰勝一切，他說：「我哋好合拍，每個人都好專注，領隊都話進度比預期快。有一個村民我們叫佢『Boss』，睇住佢把一條爛木條徒手削成跟機器一樣，而且尺寸還要剛剛好的木樁，木頭一準備好我們就衝着去上釘，大家都保持在一個很亢奮的狀態。雖然辛苦，但我哋樂在其中，如果只是起樓，我們未必感受得到，但再加上拆樓，就真的感受到他們有多需要新屋。」 孤兒院上寶貴一課 五天四夜行程，要請灰熊同小青都講下，到底最深刻的體會是甚麼？灰熊說：「由第一日落機，踏入孤兒院的一刻，這個trip每一步都對我來說很難忘。校長介紹之前未起孤兒院時，有一次打風廚房冧咗，佢同老婆衝去搶修。修到一半，佢見到小朋友們都望住佢，嗰一刻意識到小朋友喺呢度一啲都唔安全。那刻真係忍唔住流下男兒淚，小朋友真係好無辜，其實他們不知道發生甚麼事，跟他們玩真的很簡單，一個波、一條橡皮筋，就能玩一天。」小青說：「呢樣嘢係真，我們去是想帶畀佢哋愛同資源，係幫助佢哋，但係去到以後發現反而是他們令我們意識到，他們咁知足、要求咁簡單，其實係佢哋幫咗我哋。」 |
 | |
| |
 | |
| |
 | |
| |
 | |
| |
 | |
| |
 | |
| |
 | |
 | |
| |
 | |
| |
 | |
| |
 | |
| ■灰熊跟孤兒院小孩玩遊戲，拗手瓜、踢足球，簡單又快樂。 | |
 | |
| |
回應 (0)
我要發表
