PACO名人會
PACO名人會
PACO名人會

張繼聰領軍《今晚打喪屍》 吳家麗:末日時珍惜眼前人

2017/06/12 10:11:13 網誌分類: 生活
12 Jun

        近年全球大熱的喪屍片,勁多Fans,我全力推薦一部非常精采的本土喪屍新片《今晚打喪屍》,將於6月29日上映。題材少有,主角亦好吸引,有好戲之人萬梓良「回歸」港產片,加上張繼聰和白只領軍,靚女陣容有吳家麗、顏卓靈Cherry和王敏奕Venus,驚慄之餘不失笑料。最重要係電影以喪屍做包裝,其實帶出的主題係「人喺末日,面對危機嘅時候會有咩反應、會做出咩抉擇?」正如家麗姐(吳家麗)和Venus有感而發:「我哋應該珍惜眼前人。」睇好戲又帶出人生意義,豈能錯過!

        電影改編自本地作家余兒的同名小說,由新進導演盧煒麟執導及鄭思傑監製,以喪屍、末日作主題。終極預告可見電影滲入大量本土元素,如過百喪屍圍攻西環山道,又有瘋狂賣樓的喪屍經紀,連雞蛋仔夾、褶櫈都可成為「殺屍武器」,港人應該睇得好投入。

        片中主角身懷絕技,在喪屍圍城下,張繼聰及白只帶領眾人殺出重圍。顏卓靈在戲中飾演狙擊喪屍特別行動組的成員真一,她興奮說:「我喺戲入面,係一個外國回流嘅女仔,加入『組織』後有神秘任務。我對付喪屍嘅武器,係一啲高科技嘅嘢,都幾得意。我最難忘係一場喺保齡球場拍嘅戲,啲喪屍喺啲lane嗰度爬出嚟。飾演喪屍嘅演員真係好專業,佢哋喺戲入面啲肢體動作好唔協調,但係咁先最考佢哋嘅四肢協調性,好佩服佢哋。」

        「喪屍」勁專業

        吳家麗飾演Cherry的姑媽,接手父親的粵劇社當上班主,自幼理想係做個出色花旦。她說:「萬子哥(萬梓良)飾演我嘅初戀情人,佢害到我冇咗隻腳,實現唔到理想,佢坐監後出番嚟,我對佢又愛又恨。咁啱我收養咗佢個仔(白只飾)喺劇社。到喪屍病毒爆發嘅時候,阿聰同白只就喺我劇社拎咗啲道具,去製作土製武器打喪屍,好似血滴子,都幾有趣。」吸引家麗姐接拍此片,除了劇本好,亦因有好戲之人萬子哥坐陣,她說:「萬子哥係呢套戲嘅秘密武器,今次演出同以前有好大分別㗎!」

        萬梓良「回歸」港產片

        另一女主角王敏奕,片中飾演動作明星以璇,要由頭打到尾。她說:「我喺戲入面飾演被棄婚嘅新娘,仲係一個跆拳道高手,所以成套戲都要着住件婚紗打喪屍。拍嗰時件婚紗箍得我個胃好緊,所以我唔敢食飯。」而飾演喪屍王的灰熊,戰袍加身英氣十足,鏡頭後卻要預早化妝,他話:「我個喪屍王造型,要用三個鐘頭去特技化妝,出嚟個效果好正。今次好好玩,有一幕講我未變喪屍嘅時候,畀一百隻喪屍追,嗰場戲喺西環拍,好彩拍嗰陣時係Halloween,啲路人都冇咁驚。」

        屍殺過程睇得過癮,但面對末日下,每人的反應都不一,正是電影要帶出的深層意義。Venus說:「呢部電影雖然以喪屍做包裝,其實佢帶出嘅主題係人喺末日,面對危機嘅時候會有咩反應、會做出咩抉擇,我要做英雄?定係去救人?」吳家麗亦有同感,「片中無論兄弟情、愛情及親情當中,最終都係表達珍惜眼前人嘅訊息。」

        主持:黃柏高
        統籌:林永匡
        攝影:袁東亮、謝民光
        協力:林書鉉
        場地:Qi-NineDragons(電話:27998899)

      

        
■左起 : 灰熊、王敏奕、吳家麗和顏卓靈在《今晚打喪屍》中有別開生面的演出,不容錯過!
■左起 : 灰熊、王敏奕、吳家麗和顏卓靈在《今晚打喪屍》中有別開生面的演出,不容錯過!
■張繼聰(右)與白只(左)相識多年,首度合作拍戲。
■張繼聰(右)與白只(左)相識多年,首度合作拍戲。
■吳家麗在片中對萬梓良(右)又愛又恨。
■吳家麗在片中對萬梓良(右)又愛又恨。
■四主角(左起)白只、王敏奕、張繼聰和顏卓靈,決心要同喪屍死過!
■四主角(左起)白只、王敏奕、張繼聰和顏卓靈,決心要同喪屍死過!
■王敏奕着住婚紗,由頭打到尾。
■王敏奕着住婚紗,由頭打到尾。
■過百喪屍重頭戲,劇組網上號召熱愛演戲者扮演喪屍大軍,反應好踴躍。
■過百喪屍重頭戲,劇組網上號召熱愛演戲者扮演喪屍大軍,反應好踴躍。
■顏卓靈好欣賞飾演喪屍嘅演員,認為他們啲肢體動作,無得彈。
■顏卓靈好欣賞飾演喪屍嘅演員,認為他們啲肢體動作,無得彈。
■好鍾意睇喪屍片的吳家麗今次無得化喪屍妝,有少少失望。
■好鍾意睇喪屍片的吳家麗今次無得化喪屍妝,有少少失望。
回應 (0)
我要發表
user