PACO名人會
PACO名人會
PACO名人會

30周年紅館開萬人P 李克勤:肯定大家由頭笑到尾

2017/06/26 08:41:20 網誌分類: 生活
26 Jun

        去年轉簽英皇娛樂的靚聲王李克勤,今年適逢入行三十周年,為紀念這個大日子,早前推出紀念專輯《30克》外,克勤將於9月初舉行六場紅館個唱《李克勤成立三十周年》演唱會。日前演唱會海報率先曝光,笑笑口的克勤被彩色皺紙包圍,寓意將紅館變成萬人大派對。克勤興奮說:「以往個唱音樂行先,但今次有特別意義,希望大家入嚟同我一齊慶祝,帶開心入嚟玩!」預祝克勤有個happy good show!

        主持︰黃柏高
        統籌︰林永匡
        攝影︰袁東亮、謝民光
        協力︰林書鉉
        場地︰彌敦酒店嵩雲廳
        Styling︰QueenieYu
        髮型︰AdolphBow
        化妝︰AngelYa

        今次克勤入行三十周年演唱會,無論他個人或公司都非常重視,老闆楊受成仲話會不惜工本,打造一個讓觀眾嘩聲四起的萬人大派對。有「零瑕疵歌手」美譽的主角李克勤,亦希望今次個唱與別不同。他說:「30周年演唱會對我嚟講係件大事,當然每次個唱都係大事,加上今次係我轉咗新公司、新環境嘅第一次演唱會。今次《李克勤成立三十周年》演唱會嘅名和海報,搵咗林海峰度橋,點解係成立?佢話『你係個品牌嚟嘛!』,而poster就係我半身佈滿七彩皺紙碎嚟營造氣氛,想有個開心感覺。希望大家同我一齊慶祝,一齊玩,到時台上台下多啲互動,帶開心入嚟玩!」

        娛樂性豐富

        克勤以往的個唱音樂行先,專賣靚聲,例如管弦樂團、小交響樂團,次次隊band成百人,好大陣仗。9月的紀念騷咁有意義,將會加入新元素,娛樂性更豐富去包裝個show。他說:「音樂固然重要,但想個feel唔同,想大家入嚟第一分鐘已覺得與以前唔同,想用視覺效果同個舞台去吸引先,之後就靚歌。我都會關心番啲fans畀錢買飛入場,想聽咩歌嘅,如果無《月半小夜曲》聽,我驚fans????櫈呀!經典歌一定有,不過會重新包裝,首歌原本陣『除』要保留,其他就加啲新元素變少少。」日前克勤做直播睇fans反應,發現很多人包括容祖兒與周慧敏等都想他唱《舊歡如夢》,睇嚟個唱都有得聽喎!

        玩燈光加強視覺效果

        以往十幾年,李克勤都用同一製作班底,今次轉新公司亦試和不同單位合作,擦出新火花,他說:「音樂總監係何秉舜,佢之前幫我同容祖兒個騷做過,但就未試過做我solo演唱會。而且佢手琴好好,喺編曲上會幫到好多。演唱會總監係Fran9,佢幫Sammi(鄭秀文)個唱啲舞台設計、視覺效果整得好靚。至於跳舞一定會有啦,都會嚇吓大家嘅,但今次嘅嚇(跳舞)可能比以往有啲唔同。服裝就搵Wyman(黃偉文),想成件事睇落唔一樣,不過又唔會太誇張,總之elegant又靚啦!」

        拒絕晒肌

        還有不足三個月就舉行紀念騷,克勤謂平日會keep住做gym,騷前會加緊訓練。他說:「做gym一定有,但幾十歲人唔使爆肌露肉啦!之前做過一次,當係gimmick夠啦!我覺得keep住身形外,亦要keep到個信心,有信心做乜都事半功倍,千祈唔好搞到自己好攰,騷前十日要有最好狀態,而騷前兩日就滴酒不沾保住把聲。」講到保靚聲,我有個開聲偏方幾好,如果初起感冒,可以將少少威士忌溝暖水加片檸檬,舒緩喉嚨又助開聲。
 
■李克勤今年為紀念入行30周年大搞慶祝活動,9月開6場紅館騷,歌迷有福嘞!
■李克勤今年為紀念入行30周年大搞慶祝活動,9月開6場紅館騷,歌迷有福嘞!
■演唱會點少得表演嘉賓,合作無間的容祖兒和譚詠麟等當然唔少得。
■演唱會點少得表演嘉賓,合作無間的容祖兒和譚詠麟等當然唔少得。
■譚詠麟
■譚詠麟
 
■擁有幸福家庭的李克勤,坦言太太和小朋友會到場欣賞演唱會,站台?no way啦!
■擁有幸福家庭的李克勤,坦言太太和小朋友會到場欣賞演唱會,站台?no way啦!
■09年,李克勤在《左麟右李》首次晒肌,亦係最後一次。
■09年,李克勤在《左麟右李》首次晒肌,亦係最後一次。
■日前,李克勤出席9月舉行的《李克勤慶祝成立30周年演唱會》記者會。
■日前,李克勤出席9月舉行的《李克勤慶祝成立30周年演唱會》記者會。
 
■跟李克勤老友鬼鬼的容祖兒將擔任演唱會嘉賓。
■跟李克勤老友鬼鬼的容祖兒將擔任演唱會嘉賓。
■林海峰操刀的演唱會海報,克勤被七彩皺紙碎包圍營造氣氛。
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.