《魔法奇緣》點止五粒星咁少？

昨晚看了《魔法奇緣》，真係好好睇呀！！！！

由頭笑到落尾，而且非常浪漫窩心，是一齣非常出色的愛情喜劇，但大人細路都岩睇。

故事不算複雜，但大橋很過癮，就是童話現實大兜亂。公主剪晒d窗廉做衫那一幕真係好抵死；在pizza店驚險搞笑兼而有之；公主唱歌「call馬」一幕又係正到暈；當然還有王子唱歌公主搭唔到嘴那一幕，既有笑位，也有深意；隻花栗鼠更係出位；就連一班二打六，例如律師個未婚妻、去搞離婚果一pair黑人夫婦，全部都做得極正！

劇本好，演員好，導演好之餘，連音樂都寧舍好聽過人！公主在公園大合唱那首歌固然wonderful，搞到我睇完戲出黎都係咁唱「How does she know～～」，在ball裏唱的那首歌更係感情深摯。如果之後出soundtrack，我一定第一時間……去download。而男女主角不但樣靚，而且歌喉動人，就連清唱都很動聽。

特技其實都做得好正，花栗鼠低B得黎好爆笑，班白鴿蟑螂也過癮（最抵死係一做完家務，隻鴿食左隻蟑螂，笑到暈），而皇后變成的那條龍，全身麟片閃令令的，估唔到醜惡角色居然都可以咁靚！

唯一唔係太得既，係律師未婚妻個樣醜左少少（其實都唔少），但一來演技搭夠（佢個lum樣真係做得幾自然），二來又唔係女主角，所以都冇乜所謂。

總括一句：如果要我畀星，真係五粒星都嫌少！

估下佢係乜意思（提示：奸臣、公主、毒蘋果）

That's How You Know