樂壇殿堂級歌手林子祥,縱橫樂壇逾40年,是我恩師亦曾是我最好戰友,在我音樂里程碑上最重要的人物之一。阿Lam早前在紅館舉行了《林子祥佐治地球40年演唱會》反應熱烈,他將於本月29日移師廣州國際體育演藝中心舉行《林子祥越唱越響40年演唱會》,內地的歌迷有福了!他亦貫徹沉默作風,少說話唱好歌,阿Lam說:「我喺台上唔換衫少說話,keep住唱,至少唱4、50首經典歌。」好歌連場,阿Lam仲搞笑謂叫粉絲少飲水,唔想Fans去廁所,錯失聽靚歌的機會!
主持︰黃柏高 統籌︰林永匡 攝影︰袁東亮、謝民光 協力︰林書鉉
天生聲線雄渾有力又音域廣的林子祥,10月將年屆70歲,但仍永不言休,去年初在紅館舉辦了入行40周年演唱會後,今個月尾將個唱搬到廣州,照舊邀請著名音樂人徐日勤擔任演唱會音樂總監,且紅館的「林氏大宅」亦會再度搬上舞台。演唱會班底、舞台依舊,但廣州開騷揀歌就會有少少分別,阿Lam說:「香港站唱多啲英文歌,廣州站就多啲廣東歌和國語歌。個騷會提早於7時舉行,三個小時左右嘅騷,我會喺台上唔換衫少說話,keep住唱,至少唱4、50首經典歌。」歌迷耳熟能詳的金曲《十分十二吋》、《阿Lam日記》;情歌《似夢迷離》、《曾經》等,以及正能量作品《男兒當自強》和《真的漢子》等,都會一一奉上。
愛早上錄歌
在我眼中,阿Lam是一個最有性格、最有魄力的歌手,以前與他在錄音室工作的日子難忘又愉快,最記得他堅持要早上9時錄歌,無其他歌手會咁做。阿Lam說:「9點都已經遲嘞!其實我想朝早7點就錄。因為我把聲好得意,愈早把聲愈低、愈實,一過中午把聲就走晒樣。所以試過一日錄一隻碟㗎!因為當年要就時間拍戲嘛!」我仲記得當年同阿Lam第一首合作的歌《莫再悲》,到?家都有好多人鍾意。
神級佳作
阿Lam佳作勁多,其中有三樣令我好佩服,第一是84年早上錄《誰能明白我》時,Joey(鄧建明)編個key低了,阿Lam聽後面色一沉,但仍專業繼續唱。豈料唱至中段,阿Lam突然飆高8度唱,成首歌即刻「生猛晒」!阿Lam笑笑口謂:「以前同TeresaCarpio(杜麗莎)合唱得多,key一係好低;一係好高,慢慢訓練出嚟。」第二係阿Lam創作能力好強,當年作《誰能明白我》時,他將兩首歌的首段及中段抽出來,加上自己的melody作了首襟聽的金曲。最後,85年阿Lam作首玩票之作《十分十二吋》,是二十多首歌的medley串連成一首歌,引發周潤發也來首《十二分十分吋》,音樂就是咁好玩。
唱而優則演
永不言倦的阿Lam,早前赴歐洲拍攝王家衛的新戲《歐洲攻略》過戲癮,戲中他和內地小鮮肉吳亦凡演一對父子。阿Lam苦說謂:「我平時早睡早起,瞓得好少,晚上十時許就想返屋企,但拍戲真係幾辛苦,尤其通宵戲仲辛苦,都唔知點解咁多導演鍾意夜晚先拍戲。」參與電影工作咁多年,現在我亦籌備緊一部關於自己的音樂電影,亦期待再有一部電影跟昔日戰友阿Lam再攜手合作呢! |