宣明會舊書回收義賣全數捐天津兒童康復中心

2017/08/05 09:33:39 網誌分類: 生活

05 Aug

        世界宣明會為咗提倡減少浪費，即日起一連十日搞咗個「舊書回收義賣大行動」。每本十蚊起，收入仲會全數捐出，好有意義啊！

        宣明會多年來一直致力幫助世界各地嘅貧困家庭，今次就以「童享站起來的喜悅」為題，舉辦咗個舊書義賣活動，將收集返嚟嗰二十萬本繪本、小說、漫畫等，平賣返畀出去。籌得嘅善款仲會全數捐去天津武清嘅兒童康復中心，為有特殊需要嘅小朋友提供復康培訓同相關教育項目等。又環保又幫到人，認真一舉兩得！

        尋到寶，又做到善事，何樂而不為先？仲等咩啊？呢幾日即刻約埋班friend，一齊去掃貨喇！

        KellyChu