被洪金寶激讚「好打得」 古天樂：日日痛到唔郁得！
2017/08/07 17:15:23 網誌分類: 生活
| 12年前成為最受歡迎動作經典片之一的《殺破狼》，第三部系列電影《殺破狼˙貪狼》將於本月25日強勢上映。今次由《殺》片的原導演葉偉信執導，我和鄭保瑞任監製，加上殿堂級大哥大洪金寶擔任動作導演，令人期待。其中最驚喜，莫過於大哥洪金寶敢將主角古天樂塑造成新一代打星，硬撼實力派的拳霸TonyJaa和內地功夫王吳樾等，仍毫不失色！洪金寶更激讚古仔「高手郁手好打得！」而入行以來，首部要硬橋硬馬使出真功夫的古仔卻有苦自己知，他憶述：「場打戲連拍廿幾日，返到酒店日日痛到瞓響度，唔郁得㗎！」但他表現好精采，睇完一定讚！ 主持:黃柏高 統籌:林永匡 攝影:袁東亮(北京) 協力:林書鉉 經典《殺破狼》sell真人實打真功夫，以實戰格鬥動作風格贏盡口碑。兩年前《殺破狼2》載譽歸來，改由鄭保瑞執導，葉偉信做監製。結果不負眾望，票房勁收5.6億人仔，再次證明市場號召力。最新一部《貪狼》導演和監製又大執位，造就我和葉導事隔12年後再度攜手合作，令我好興奮。 重情感的動作片 新片貫徹過往風格，亦滲入不少感人情節，可說是一部成功的劇情動作片。葉偉信說：「其實上一部古仔嘅角色好特別，我同鄭保瑞就商量想改動少少個角色變另一故事，最後演變成另一系列。戲名《貪狼》指貪狼星，係最重感情嘅，所以角色都係重情感，豐富動作戲中亦不失情義。最難忘係首日開拍TonyJaa，佢彈跳力勁得滯，一跳就撞親頭要入院，我心諗『大鑊了』，好擔心佢傷勢，點知Tony好專業，兩日後就帶傷返嚟拍攝。」「戲透」少少，古仔和飾演其16歲女兒的陳漢娜，父女情好感人㗎！ 真人不露相 新片沿用《殺2》的拳霸TonyJaa，亦加入內地武術冠軍吳樾和前美國海軍陸戰隊戰士、現教詠春揚名的ChrisCollins。動作導演洪金寶睇過三人身手，認為他們過往有相當經驗，拍打戲「打得好係應該！」。反而首度做「打仔」的古天樂，大哥對他愛護有加，拍之前先設計好所有動作，讓武師拍攝了一段十多分鐘的武打片段，還做好配樂畀古仔睇，讓他早點掌握到成套動作，大哥說：「以前做好多電影都會咁做，比演員去了解吓先有個印象，唔可以乜都唔知。」合作過後，他對古仔有讚無彈說：「佢打得㗎！真人不露相！當佢一埋位打，一郁手，高手郁手，你就知道佢有幾勁！」 「最後一日一take過」 孭飛演動作戲的古天樂憶述當時的艱苦經歷說：「我拍嗰場重頭戲唔係單一個動作，似一關一關咁打落去，係成個過程點樣去救個女，我睇完段demo片，自己練定，成場戲拍咗廿幾日。每日打完返酒店痛到瞓響度，啲肌肉拉傷晒，痛到唔郁得㗎！不過大哥(洪金寶)話郁多啲就唔痛，咪keep住郁。每次拍攝，大約兩、三個take，我唔睇playback㗎！用時間練下一個打法。最後一日居然一take過，連導演都話『未試過咁樣打法』，我講笑話『最後一日有鬼用咩！全部一take過就好』不過成個過程好難得，因為從未試過。」連同古仔合作多次的葉導亦給予高度評價：「我都好多謝古仔咁信任我，我相信所有觀眾都期待古天樂嘅演出，劇情好睇之餘，亦係古仔嘅代表作。」 |
 | |
| |
 | |
| |
 | |
| |
 | |
 | |
| |
 | |
| |
 | |
| |
| |
 | |
| |
 | |
|
回應 (0)
我要發表
