啱晒小朋友 馬會季前嘉年華好多嘢玩
2017/08/08 10:37:21
網誌分類:
生活
| 正值暑假，一班活力十足嘅小朋友，有得休息玩吓喇！不過，Kelly身邊唔少為人父母就好煩惱，諗緊帶仔女去邊玩啊！諗唔到唔緊要，小妹又有好介紹！馬會月尾會舉辦大規模嘅季前嘉年華，由靜態DIY到動態嘅騎馬、親子障礙賽都有，認真啱晒大人細路！ 為咗迎接新一季馬季開鑼，馬會將喺八月二十六日舉辦大規模嘅「開季試閘樂滿FUN季前嘉年華」，今次仲由沙田馬場擴大到彭福公園，以親親馬兒、充氣動感區、創意探索區等六大主題區域，俾唔同年齡、興趣嘅小朋友「放電」一番！當中，彭福公園除咗有小馬策騎同雪特蘭小馬合照活動之外，仲有各式各樣嘅遊戲攤位同繽紛跳馬、極速滑梯同巨型充氣迷宮等充氣裝置玩，小妹就咁睇相都感受到佢哋玩得有幾開心啊！ 除此之外，今年仲多咗唔少新驚喜㗎！包括同中國香港獨輪車協會合作，俾小朋友同父母一齊試玩獨輪單車，訓練平衡力。仲有機會擔任小指揮、同用舊玩具零件創造新玩意，等佢哋學識惜物減廢等。絕對有嘢玩，有嘢學！ KellyChu |
 | |
| |
 | |
|
回應
(0)
我要發表