熊本熊同你感受夏の花火

2017/08/08 10:37:23 網誌分類: 生活

08 Aug

        夏日熱辣辣，令Kelly諗起每年盛夏日本嘅花火大會！日本人着住浴衣周圍玩、周圍食，夠晒熱鬧！不過，想感受返呢種氣氛唔使去到咁遠，留喺香港一樣可以！小妹收到風，東港城近日搞咗個「東港城‧一田X熊本真夏の花火大会」，將慶典原汁原味送到香港，仲有超萌嘅KUMAMON（熊本熊）坐鎮，正啊！

        呢次香港版花火大會，唔單止有齊各種遊戲同美食攤位，配合日式裝潢，畀大家仿如置身日本之外，仲特別請來部長熊本熊遠赴過嚟將軍澳東港城，等大家野生捕獲。場內仲有多款期間限定、獨家嘅熊本熊精品售賣！想更入戲嘅女士同小朋友，仲可以換埋靚靚嘅日式浴衣，同部長自拍祈福，仲有機會拎到代表吉祥同幸運嘅御守?啊！哇！唔使搭飛機都感受到日本氣氛咁開心！大家即日起至八月三十一日前，記得去玩餐飽，一齊同部長歡度仲夏喇！

        KellyChu