把握最後機會入場玩 迪士尼「巴斯」退役 超級英雄接棒
2017/08/08 10:37:23
網誌分類:
生活
| 「巴斯光年，一飛沖天！」，佢將會告別大家，換來更多英雄人物登場！香港迪士尼嘅長壽射擊遊戲「巴斯光年星際歷險」即將喺八月尾告別，改由漫威超級英雄頂上。迪士尼即日起仲搞咗連串主題活動，想親自同巴斯saybyebye，就要把握機會喇！ 近來香港迪士尼積極籌備擴建園區，務求令大家耳目一新！當中，自香港建園以來一直堅守任務、維持宇宙和平嘅「巴斯光年星際歷險」，即將「退休」。改由一班超級英雄頂上，日後繼續同各位擊退侵略者。到時嘅新主題射擊區，就會聯同「鐵甲奇俠飛行之旅」，同其他漫威（Marvel）主題，成為全新「漫威英雄主題區」！ 知道大家唔捨得，所以迪士尼即日起至八月三十一日，會有一連串主題活動，畀大家好好同巴斯光年道別！除咗會派佢現身遊戲入口位置附近，同排緊隊準備參與成為「巴斯光年防衛隊隊員」遊客，完成終極任務之外，仲會有專人喺「明日世界」免費派發特別主題貼紙畀一眾「巴斯迷」收藏！昨日仲搞笑咁請埋「真人版巴斯光年」藝人鄧梓峰一齊派添啊！ 特別主題貼紙派畀「巴斯迷」 雖然巴斯光年告別大家，難免有點傷感，但Kelly就認為，更多英雄現身保衞地球，絕對係一件事。各位巴斯迷一於八月前把握機會，入場玩多幾次，以迎接更多英雄人物進場啦！ KellyChu |
 | |
| |
 | |
|
回應
(0)
我要發表