林建岳60大壽變美食盛宴

2017/08/09 10:41:05 網誌分類: 生活

09 Aug

        林建岳慶祝六十大壽，一連兩晚喺高級中菜館「好酒好蔡」設壽宴，款待親朋好友。「好酒好蔡」出晒名多精緻美食，岳少仲找來佢旗下多間星級餐館嘅大廚，炮製精采美食款待客人，名人和娛圈紅人齊到賀，星光熠熠，成為城中嘅「美食壽宴」。

        Kelly八卦到，岳少一連兩晚喺中環建行大廈嘅「好酒好蔡」擺壽宴，果度私隱度高，啱晒私人聚會，城中名人紛紛到賀，包括「大劉」劉鑾雄同太太甘比都到賀。影視紅人粒粒皆星，場面熱鬧，黎明仲即席獻唱，岳少同賓客玩得好開心。

        「好酒好蔡」美食多不勝數，但岳少出咗名識飲識食，為求大家盡興，仲特登叫佢旗下多間星級餐廳廚師到來，提供更多花款嘅美食，配上佢自己珍藏嘅靚酒，呢兩日嘅「美食壽宴」，成為城中名人嘅熱門話題。

        KellyChu