汶川地震曾負責援建 林鄭心繫四川
2017/08/11 08:41:04
網誌分類:
生活
| 九寨溝大地震，特首林鄭月娥即時話，中國同香港「血濃於水」，一定會協助災區援建，其實林鄭對四川有深厚嘅感情，○八年汶川地震之後，林鄭時任發展局局長，負責特區援建災區工作，佢仲聯同工程、建築義工，去過災區考察幾次，難怪四川又地震，掀動佢個心。 九年前嘅汶川大地震，特區政府連同賽馬會一共捐咗超過一百億去支援災區重建，涉一百五十一個項目，時任發展局局長嘅林鄭，係主要負責官員，佢對四川一直好上心。小妹發現，林太先後八次去到四川考察重建進度，由發展局局長做到政務司司長，佢一直把四川放喺心上。 林太去年去四川主持「省道303（映秀至臥龍段）」嘅貫通儀式，同「中華大熊貓苑」開園儀式。講起省道303，呢段路多災多難，喺○五年開始興建，○八年大地震時毀於一旦，之後成為港府重點重建項目之一，差不多起好，點知喺兩年後一場特大山洪泥石流再次破壞成條新路，但特區政府不放棄，繼續支持重建，喺一六年先復修完成通車，林鄭親到南華隧道主持通車儀式，坐車去抱態貓，真係有心。 KellyChu |
 | |
| |
 | |
回應
(0)
我要發表