吸引50萬市民入場木乃伊魅力沒法擋！

2017/08/12 10:11:04 網誌分類: 生活

12 Aug

        由香港賽馬會慈善信託基金獨家贊助嘅「永生傳說－透視古埃及文明」展覽，由六月開展以來吸引唔少市民入場，一睹六具擁有一千八百至三千年歷史嘅木乃伊風采，昨日累積入場人數就突破咗五十萬喇，認真厲害！

        呢個展覽由六月二日喺香港科學館開展以來，平均每日有超過八千人次入場，打破咗科學館專題展覽嘅每日平均入場人次紀錄，最高單日參觀人次更錄得超過一萬三千人，昨日累積入場人數就突破五十萬喇，木乃伊真係魅力沒法擋。

        康文署署長李美嫦同賽馬會慈善及社區事務執行總監張亮昨日就親自接待第五十萬名觀眾，佢哋係九歲嘅蔡韻希同媽媽蔡太。蔡太話木乃伊首次嚟香港，可以近距離觀賞真係好難得，仲可以令小朋友長知識𠻹！

        展期到十月十八日就完喇，仲未去參觀嘅朋友就快啲去啦！

        KellyChu