真係頭條笑話——情人節認叻
2008/02/14 00:00:00
網誌分類:
寫作
14
Feb
情人節大力、排骨在酒吧飲悶酒認叻，題目係「曾經…有個女仔為我而死！」 大力：「中學嗰陣，我鍾意咗一個女同學，有一日放學，我同佢一齊走出學校門口，佢同我講：『你好煩呀，唔該你唔好再跟住我，如果唔係我死畀你睇！』」 排骨：「我夠有啦，我上大學，識咗一個女仔，喺佢嘅生日會上，我喺好多人面前同佢講我愛你，個女仔答我：『好，要我鍾意你，等我今世死咗留番下世啦！』」 大力：「喺我最窮嗰陣，我識咗另一個女仔，佢同我同甘共苦，最後我哋上咗一棟大廈嘅天台，佢喊住咁同我講：『你個死佬好快啲還返我借畀你嗰十萬元，如果唔係我真係跳樓死咗佢！』」 感謝讀者朱振興提供笑話，將聯絡送上《真係笑話 - 收風船長 最叻偷笑》致謝，如你有笑話，歡迎電郵給我：tailik@tailik.com 或傳真︰23757566 李力持
