澳門黃枝記請食雲吞麵送暖

2017/09/02 08:41:08 網誌分類: 生活

02 Sep

        風災無情，但人間有愛！早前被兩個颱風接連吹襲嘅澳門，好多商戶鄰里都損失慘重。喺澳門十月初五街屹立超過半世紀嘅黃枝記，決定下星期二起，一連兩日免費請街坊食雲吞麵！

        黃枝記昨日貼出告示，話連日來嘅風災水劫，辛苦晒一班澳門街坊。為咗鼓勵大家重新振作，決定下星期二至三喺十月初五街總店，免費請大家食雲吞麵，作為一點心意喎！

        小妹問過黃枝記，員工話今次活動初衷係老闆想喺風災後做好事，希望澳門人喺災難後團結一致，舖頭已向工廠預訂大量牛腩、豬手做準備，到時如果街坊反應熱烈，則會安排派籌，仲話當日除咗派雲吞麵外，亦會放置捐款箱畀善長捐款添。其實黃枝記喺呢兩次風暴都損失唔少，成間店都浸晒，但都咁照顧班街坊，真係好感動啊！

        KellyChu