李嘉誠設500萬獎學基金紀念好友沈弼勳爵

2017/09/05 08:41:04 網誌分類: 生活

05 Sep

        前匯豐銀行主席沈弼勳爵今年二月離世，超人李嘉誠同沈弼份屬好友，為咗紀念呢位對香港貢獻良多嘅前銀行大班，李嘉誠特別撥出五百萬設立獎學基金，等成績優異嘅香港學生可以去英國兩間大學讀書！

        李嘉誠大讚沈弼勳爵喺香港服務多年，「位居要津」，形容香港今日可以發展成為國際金融中心，沈弼功不可沒。李嘉誠又提到沈弼當年多次喺英國為港發聲，亦都支持香港商界發展機遇，所以特別設立呢個獎學基金緬懷摯友，紀念沈弼喺香港同英國兩地嘅卓越成就。

        「李嘉誠基金會沈弼勳爵紀念獎學基金」會獎助本港成績優異嘅DSE學生，去英國兩家指定大學修讀學士課程。獎學金會喺未來十年按年頒授，兩家大學會諮詢沈弼勳爵家族嘅意見，同埋根據學生嘅成績同需要，每年揀選出兩至三位獎學金得主。

        KellyChu