風災過後現燦爛花海 風雨蘭盛放 彰顯堅毅精神
2017/09/05 08:41:04
網誌分類:
生活
「天鴿」、「帕卡」同「瑪娃」車輪轉咁吹襲香港之後，好多草木一片蕭索，但有一種花無俾強風同暴雨摧殘，反而盛開出一片花海，呢個奇景最近喺梅窩銀河花園出現，而Kelly住喺青衣嘅朋友，屋企樓下嘅花園亦開滿風雨蘭。
小妹想知多嘅呢種風雨花嘅特性，發現佢學名叫「Zephyranthescarinata」，屬於百合科，唔少人俗稱佢做「風雨蘭」、「韭蘭」，花期集中喺七至九月。佢喺香港通常係粉紅色系，亦有唔少人工栽培嘅不同顏色，所以有機會有黃色、橙色等顏色！佢有個親戚「葱蓮」（Zephyranthescandida），喺香港多數呈現白色，係同屬不同種嘅花。
《頭條》專欄作家梁祖堯曾撰文，講述風雨花點解喺風雨後先盛開，原來喺氣溫高、氣壓低、水份蒸發量較大嘅情況之下，佢鱗莖入面嘅開花激素濃度都會提升，刺激啲花芽生長，到打風落雨之後，空氣濕度變高，風雨花就會冒出頭來，迅速開花㗎啦！頂住巨大壓力而盛放，呢種花真係堅毅不屈，值得莘莘學子學習啊！
KellyChu
回應
(0)
我要發表