社區遊樂團發掘最香港遊趣

2017/09/07 08:41:05 網誌分類: 生活

07 Sep

        去旅行除咗行景點，其實發掘吓社區之中一啲獨特面貌同風土人情，可能體會更深！領展最近就推出咗一個「社區遊樂團」，帶訪港旅客同本港居民一齊深入社區探索，為旅客帶嚟「最香港」嘅體驗啊！

        「領展社區遊樂團」會由今個月開始出發，喺十一月前會舉辦超過二十個主題遊樂團，圍繞四條路線，分別係赤柱、九龍、大埔同元朗，同旅客介紹最「貼地」嘅風土人情，包括各區文化、歷史、美食、建築等。另外佢哋又製作咗本精美地圖，方便遊客輕鬆自助遊。領展仲特別同香港導盲犬協會設計咗一條「關愛社區遊」路線畀視障人士，強調全方位嘅多感官體驗，等佢哋可以用全新嘅角度去感受香港啊！

        社區遊樂團前日舉行啟動禮，領展執行董事兼行政總裁王國龍話，呢個計劃會發掘鮮為人知嘅社區故事，佢哋希望可以鼓勵社區之間嘅互動，同埋促進社會共融啊！

        KellyChu