全港學生公開音樂比賽　聽資深音樂家評語

2017/09/08 08:41:04 網誌分類: 生活

08 Sep

        唔少香港青年都好有音樂細胞，如果想大展身手，Kelly推介大家參加「第十屆全港學生公開音樂比賽」，每個參加者除咗會有獎狀，仲可以得到資深音樂家評判畀嘅個別評語㗎！

        朗誦及音樂推廣協會喺十月中至十二月初會搞「第十屆全港學生公開音樂比賽」，歡迎三至二十一歲嘅學生報名㗎。「現金獎學金組」接受任何樂器、經學校提名或個人參賽，而其他個別樂器種類，就包括鋼琴、小提琴、長笛、唱歌等。

        比賽賽階由初級至文憑級都有，而「唱歌」同「鋼琴」組別當中，更設有「預備級」，特別為三至六歲嘅初階學者，提供參與同演出嘅機會。大會仲特別編寫咗三首燴炙人口嘅兒歌，用嚟做參賽曲目，希望誘發學生對音樂嘅興趣，好有心啊！

        獎項方面，除咗得獎者會獲頒獎盃、獎狀外，每位參賽者都可以有獎狀，同埋聽到資深音樂家評判嘅評語添！

        KellyChu