「天使在身邊」分享正能量 馬時亨曾遇惡頂上司
2017/09/09 08:41:05
網誌分類:
生活
| 人生總有高山低谷嘅時候，港鐵主席馬時亨原來曾經都有一啲不為人知嘅挫折，Kelly昨日有機會聽到佢分享，先知原來佢年輕時被調去紐約工作，試過因為文化唔同、遇到惡頂上司，同埋長期寂寞而大哭一場啊！真陰公豬，但佢冇被打敗，咬緊牙關克服困難，攀過呢座高山，好勵志啊！ 馬時亨出席「天使在身邊」計劃嘅起動禮，分享佢人生嘅挫折。其中一個挫折發生喺佢二十出頭之時，當時佢間公司派佢去紐約工作，去到陌生國度，佢話自己唔熟悉當地文化形勢行情，開會時又俾陌生專業詞語嚇呆咗，仲被零舍嚴苛嘅上司刁難，真係頭頭碰着黑！ 馬時亨形容，最難捱嘅，就係高壓同寂寞嘅感覺，當時佢無親無故，為咗儲多啲錢，連長途電話都唔敢打，一個人孤伶伶，佢有一晚諗諗吓，覺得自己好慘，就喊咗出嚟啊！ 不過，後來馬時亨重新振作，摩拳擦掌，努力工作，急起直追之下，終於得到惡頂老闆嘅掌聲。佢話雖然有人叫佢離開，但佢覺得如果攀唔過小山，就更加攀唔過更高更陡峭嘅山，所以就堅持落去，難怪佢嘅事業可以更上一層樓啦！ 佢嘅故事咁勵志，所以獲得「天使在身邊」計劃委任佢做第一任榮譽天使，係喺今年尾「飛入」「陳校長免費補習天地」，同草根學校分享正能量啊！ KellyChu |
 | |
| |
 | |
|
回應
(0)
我要發表