淫照事件
2008/02/17 13:07:46 網誌分類: 生活
淫照事件已經繞讓左成個月了, 我覺得呢件事完完全全反映到
香港人既道德觀同是非觀係點...大家竟然封發相者為"奇拿",
只有少數人責備佢呢d咁無恥既行為. 大家反而只怪警方濫權
選擇性執法, 老屈鍾亦天.....再睇傳媒, 明顯刻意攪大件事
完全無理會受害人既感受, 亦無理會社會上既影響, 不斷將淫照
登出令自己銷量上高, 令"淫照事件"變成呢期潮流, 令青少年唔睇
就out哂, 無話題講...真係令人髮指!
-------------------------------------------------------------------
老實講, 淫照女主角本來的確無咩野值得同情, 因為佢地唔係被迫
影得呢d相就要承擔有一天會被人盜看既風險, 陳冠希同陶傑講得無錯
"玩呢個遊戲就預左",
不過, 雖然佢地係公眾人物, 但都係一個人, 試諗下自己一個朋友,
自己個女, 自己既女友/未婚妻 既裸照俾人傳通街, 仲有日日被人
話佢"扮正經", "嘩!原來佢咁淫蕩", "拎黎衰"....係幾咁難受呢...
要不是跑出一個奇拿
這件荒淫兼亂七八糟的情慾戲便繼續地上演落去, 現在由奇拿替他們把這些糊塗帳畫上句號吧!
名星名人私人空間係會少好多。
近期個市好似幾強勢,但唔知真強定假強
就連平日只顧下棋的公園阿伯, 都被這樁鬧哄哄的新聞弄得好奇心起, 除了日日討論案情外, 還嚷著要兒孫教他們學會用電腦, 說要拿這堆淫照參詳參詳喎~
真是小事化大,影響整個社會潮流走勢!
熱戀男女 & 恩愛夫妻關起房門做愛做的事,究竟關卿D事?
阿嬌何罪之有?張柏芝何罪之有?
若強加受害人~莫須有~之罪,唯陳冠希一人耳,是未能妥當保密,
以至于~艷照~淪為——
無恥鼠輩斂財700百萬之利器,鼠年數不盡。。。。哼!
真正大罪人是誰?已十分明了,唯藏鏡人“奇拿”耳。。。。無言!