PACO名人會
PACO名人會
PACO名人會

《老表,畢業喇!》 林欣彤細細粒齊齊扮學生 王祖藍:望畀教育界正能量

2017/09/25 08:41:19 網誌分類: 娛樂
25 Sep

        《老表》劇集系列之前兩輯叫好叫輯,引起不少回響,新一輯《老表,畢業喇!》今日正式開播,當然要搵來劇集策劃、故事和主演於一身的王祖藍,以及戲中飾演大學生的林欣彤(Mag)和細細粒(陳嘉佳)一齊來傾傾。自封是劇集「精神領袖」的祖藍,認為近年教育話題熾熱,好想藉着劇集探討一下。其實我也覺得現在的年青人真的需要多些啟示,這些正能量的劇集,絕對適合大家齊齊欣賞。

        《老表》系列由祖藍一手打造,上兩輯分別講中港矛盾和香港矛盾,今次祖藍認為教育話題夠熾熱決定用來做主題,「不過今次唔係拍一間學校或者一班家長,而係一班未來嘅教師,佢哋本身讀緊大學教育系,即係又要教又要學。」而身兼多職的祖藍更笑指,「我今次係負責做精神領袖,劇本就交畀龍文康寫,繼續不負責任地飛紙仔。」講到呢個問題,祖藍更自爆畀劇中演怪獸家長「張晉強」的蔡少芬投訴,「佢打畀我話『王祖藍你搵我時話會出齊劇本㗎!唔會飛紙仔嘅,點解?家每場都唔會唔飛紙仔㗎!」

        細細粒難忘咀人夫

        除了4年無拍港劇的蔡少芬登場外,以往兩輯「鐵膽」的郭晉安今輯會扮校長「杜明治」,祖藍說:「安仔呢個熱血唐僧,繼第一輯後,今次再同(湯)盈盈分手!」而Mag和細細粒分別演教育系大學生「程舒」和「呂優」,而Mag更有一對唱家班父母,「蔣志光老師做我爸爸,韋綺姍前輩就係我媽咪,現實中我哋一家人都係歌手,佢哋等埋位時會成日唱歌,好正㗎!」細細粒就笑指自己劇中似孔雀,「我係Mag同學,我個個鏡頭都扮到好似孔雀咁靚,講我戲裏面係個無限幻想嘅人,我仲以為老闆繼上一輯我同阿Bob激咀後,唔會寫呢啲戲畀我,點知今次有得錫小鮮肉Babyjohn(蔡瀚億),可惜都係人夫嚟。」

主持:黃柏高
統籌:林永匡
協力:杜淑霞
攝影:袁東亮、謝民光
形象:DickyLee(王祖藍)
化妝:K.T.Tsui(王祖藍)髮型:TedYeung@iiAlchemyhair&nail(王祖藍)、Terry@HairCorner(林欣彤)
服裝:HARRISONWONG(王祖藍)、rococo(林欣彤)
場地:PalcoRistorante(26188383)
 
■劇中的中學叫「明德」,有「德」字好接近近期有關學校的新聞,祖藍就笑言,「呢套劇係年幾前拍,當時冇呢啲事㗎!唔知點解上兩輯都係,好似有啲預言咁樣。」
■劇中的中學叫「明德」,有「德」字好接近近期有關學校的新聞,祖藍就笑言,「呢套劇係年幾前拍,當時冇呢啲事㗎!唔知點解上兩輯都係,好似有啲預言咁樣。」
■祖藍爆劇中安仔會再跟盈盈分手,「大家會分唔到係咪睇緊第一輯。」
■祖藍爆劇中安仔會再跟盈盈分手,「大家會分唔到係咪睇緊第一輯。」
■向祖藍投訴劇本飛紙仔的蔡少芬,劇中演型爆怪獸家長「張晉強」。
■向祖藍投訴劇本飛紙仔的蔡少芬,劇中演型爆怪獸家長「張晉強」。
 
■郭晉安和湯盈盈昨肩負宣傳《老表》重任,準備玩飛書包遊戲,安仔坦言對劇集收視有信心。
■郭晉安和湯盈盈昨肩負宣傳《老表》重任,準備玩飛書包遊戲,安仔坦言對劇集收視有信心。
■新手經理人祖藍向Paco取經兼大呻,「做經理人真係好辛苦,我好後悔呀!點解你可以做到咁多年㗎!?」
■新手經理人祖藍向Paco取經兼大呻,「做經理人真係好辛苦,我好後悔呀!點解你可以做到咁多年㗎!?」
■繼上輯激咀阿Bob後,今輯細細粒再咀人夫Babyjohn。
■繼上輯激咀阿Bob後,今輯細細粒再咀人夫Babyjohn。
 
 
回應 (0)
我要發表
user

最新回應

jazz 2204
jazz 2204 2020/08/03

Good day! I could have sworn I've visited your blog before but after going through a few of the posts I realized it's new to me. Regardless, I'm certainly pleased I stumbled upon it and I'll be book-marking it and checking back cokeandpopcorn is