欲擒先縱vs同流合污

道理說不通

五里夢魂中

如何分對錯

預告褲穿窿

繼日前老哥足球代表隊與罪城代表隊作賽前講獨仔噓國歌之後、昨晚呀周杯外圍賽又有講獨仔噓國歌。早幾日前、大狀幫嘅惡形啍和戇嬌楊先後跳出嚟講、設立國歌法不能防止人們噓國歌嘅喎！喂、阿哥、設立刑事法例也不能阻止罪案發生的、但有咗條法例擺喺度、邊個違反就拉邊個上公堂接受法律制裁吖嘛！咁樣唔係起到遏阻作用咩？呢班光棍就梗係想好似現在咁冇例可告、任由班講獨仔搞到罪城球迷冇國際賽事睇為止啦！罪惡城之所以係罪惡城、真係多得呢班光棍唔少至係。嗱、從另一個角度睇、噓國歌等同提醒紫荊人支持設立國歌法。如果你問我、邊中係中、邊個係奸、我真係答唔出嚟。因為有啲人睇起嚟是好人一個、但偏偏係鬼。然而、有啲人望落去成隻鬼咁款、但原來係人嚟。呢啲情況實在係太難觸摸喇！

講起難觸模呢家嘢、我又想起榕樹頭講古佬痰鑵中在早幾晚向聽眾提出嘅問題、仲話能夠答得通嘅人自然會明白整個大形勢係點嘅喎！問題一、點解黃亂主犯至今仍然逍遙法外？問題二、點解有人公然教唆他人違抗六判堂發出嘅法令而不被檢控？問題三、點解六判爺可以憑個人政治觀點稱贊疑犯、而作出嘅判罰猶如不判罰？問題四、點解在鐵證如山既情況下、收受金錢利益不申報嘅反派垃圾尊貴可以無罪釋放。問題五、點解戒律院院長不尋求翻案？問題六、點解有人在大學堂校園公開將貼和懸掛煽動造反標語、而縣府坐視不管？問題七、點解黃亂案件尚未審結、縣府容許出版社將極具爭議嘅黃亂和主犯寫入常識課本歌功頌德？問題八、點解洗腦部又容許那些充滿黃色思維嘅書本被送入課堂誤人子弟？我聽完以上問題之後並唔係唔曉答、而係唔敢答。唔知到你又敢唔敢答呢？