平嘢，繼續有好的
2017/10/13 08:41:51
網誌分類:
經濟
我搭飛機，最重要係安全、準時、平。我去清邁係搭廉航香港快運，回程時，去到櫃位，出現overbook問題，等了一陣，有乘客願意接受免費酒店一晚早餐及翌日一程的士到機場，再加一人千五蚊，一對新婚夫婦舉手答應，話多玩一天，樂意讓出機位。
問題盡快解決，處理得當。
廉航經營困難，係人都知，面對至強對手的大航空公司是企業巨無霸，好似升降時間，香港機場跑道容量有限，靚機位好時間，都給大航霸佔，廉航只有深夜凌晨時份出機，但係，我係夜鬼，毋須他人送機，夜機交通，更加方便。
都係一句，搭飛機，要安全準時至為重要，舒適享受美味食物，到達目的地再講啦。
廉航都要注重安全守則，上一次，取消航班，係因為沒有足夠安全培訓導師，香港民航處規定機師及空中服務員每年都要接受安全培訓及通過考核，才可作飛行服務。
香港長期缺乏安全培訓導師，大航有內部培訓導師，但係，廉航就要找外判的安全培訓合約導師，一旦合作不成，就出現倒瀉籮蟹。
原來，航空公司要每半年向管理當局申請升降時間，起飛前一兩個月，因人手不足，交還「升降時間」，實則沒有發售機位，雖然顯示取消，係無影響乘客，我都不知箇中原因，經深入了解之後，又學到嘢啦。
林超榮
回應
(0)
我要發表