PACO名人會
PACO名人會
PACO名人會

11月個唱準時開騷 草蜢 : 起碼唱三個鐘

2017/10/16 08:41:24 網誌分類: 生活
16 Oct

        成軍32年的組合草蜢,將於11月舉行5場紅館騷《LIVE GOES ON GRASSHOPPER 2017草蜢世界巡迴演唱會》。蔡一傑、蔡一智及蘇志威歌精舞勁,靚人靚衫靚台,演唱會令人期待。三子揚言是次「大Party」是他們的畢業典禮,為了唱多些好歌答謝Fans,草蜢再三叮囑大家要準時入場,阿智說:「我哋8時15分準時開騷,起碼唱三個鐘,遲到就走寶!」

        草蜢的魅力,永遠教人期待。過去12年開了十次演唱會,每次總有「新嘢」畀大家。下月的演唱會亦搵到絕佳主題,當過去多年係個練習,今次真真正正係草蜢的畢業典禮。阿智說:「因為我哋希望2018年正式打入香港樂壇,最大嘅目標就是攞18年新人金獎。」每一年都視自己為新人,是一種推動草蜢多年來勇往直前的態度。

        華麗舞衣唔少得

        作為舞台王者,每次草蜢的歌舞都令人驚艷,今次更加落重本設計華麗舞衣。傑仔說:「向來草蜢都貪靚、姿整,今次唔例外,形象指導朱祖兒特登飛去英國、日本等地買好多靚布料返嚟設計靚衫,有啲貴到5、6000元一碼。」有靚衫亦需要有靚body去配合,近日草蜢三子忙練舞之餘,各自操弗。已練出六嚿腹肌的蘇老闆說:「我哋三個到時表演時會做啲唔同嘅嘢,形象指導要求我哋嘅身形都唔一樣。我操時唔係要谷大肌肉,而係鋼條型,將肌肉收細、結實,阿智就要大隻。」阿智補充說:「因為早排整親要慢慢康復,瘦了足足18磅。?家要加食,怕肌肉唔夠大隻唔夠體能。?家我全面操,瑜伽、行山、踩單車、游水、做gym、跑步,乜都齊。」

        揀歌有驚喜

        揀歌方面,草蜢精心挑選了一些歌,以往無在演唱會出現過。阿智說:「好似黎小田作嘅《年輕的聲音》,事隔咁多年再唱,感覺一定好唔同。」而傑仔作曲的《未必》亦終於有機會在舞台「出世」,當然唔少得早前傑仔和許志安首度合唱的熱播歌《男藍》啦!再加上三子各自有一partsolo,蘇老闆上次表演打鼓,今年有咩「新嘢」畀大家,就要記住阿智的叮囑:「我哋唔等人㗎!8時15分準時開騷,一早入場已經有嘢睇。而我哋起碼唱三個鐘,大家遲到就走寶!」

        主持:黃柏高統籌:林永匡攝影:袁東亮協力:林書鉉

        化妝:PuiPui髮型:[email protected]場地:車氏粵菜軒

        黃柏高

        
■好友滿天下的草蜢,早前錄製蔡一智寫的演唱會主題歌《Live Goes On》時,已有古天樂、張智霖
■好友滿天下的草蜢,早前錄製蔡一智寫的演唱會主題歌
《Live Goes On》時,已有古天樂、張智霖
■早前,草蜢在銅鑼灣一商場為下月舉行的演唱會造勢,梁漢文(左二)驚喜現身撐場。
 ■早前,草蜢在銅鑼灣一商場為下月舉行的演唱會造勢,梁
漢文(左二)驚喜現身撐場。
■許志安(右)和傑仔相識30年,早排首次合唱《男藍》。
■許志安(右)和傑仔相識30年,早排首次合唱《男藍》。
■阿智近日收order要食肥啲,才可爆肌上台。
■阿智近日收order要食肥啲,才可爆肌上台。
■傑仔大爆舞台設計好正,笑說:「坐山腰位睇得仲多呀!」
■傑仔大爆舞台設計好正,笑說:「坐山腰位睇得仲多呀!」
■蘇志威謂要不斷學習,才不會辜負Fans期望。
■蘇志威謂要不斷學習,才不會辜負Fans期望。
回應 (0)
我要發表
user